麵麵店 (太古城中心) (已結業)

麵麵店，太古城的唯一車仔麵店。坐落太古城美食中心內，自助形式點餐。每一次都揀大雜燴麵，貪方便唔洗諗，有麻辣蓮藕，咖哩魚蛋，豬紅，豬皮，豬耳，牛腩，蘿蔔，鹵水雞中翼。味道算不過不失。…查看更多

食物唔得，員工態度極差。下午茶時段去都冇客，完全冇招呼，所有嘢都叫我自己拎我叫三份蔬菜，佢就好囂張喎你食齋嘅，我心諗關佢咩事，非常態度惡劣，唔識尊重人，永遠唔會再幫襯。…查看更多

香港人日常午餐少不免會諗起車仔麵，呢日行到嚟太古見到入邊有個food Court，門面就見到有小儀招牌嘅舖頭一睇就知係佢間麵麵店一係唔食一食就梗係試佢個招牌雜燴麵。進店範圍後用自動購票機落單，憑飛仔過去麵檔拎野食。⚑⚐゛招牌雜燴麵 $63麻辣蓮藕、咖哩魚蛋、豬紅、豬耳、豬皮、牛腩、蘿蔔、滷水雞中翼，一共有八個餸。食得出雞翼係預先有醃過嘅滷水汁，幾入味。其他食材則不過不失，而蘿蔔亦煮得夠淋。湯底本身比較辣，再配合麻辣蓮藕越食越滋味，但同時都越食越辣。⚑⚐゛凍紫貝天葵 +$7反而想講紫貝天葵唔錯，飲得出好真材實料，雖然係凍飲但無另外加冰，味道好濃郁 ，亦唔會太甜 。…查看更多

第一次幫襯，買咗飛行埋去，我同個男員工講要豬皮蘿白魚蛋。「叫咗麵先，好冇呀？」佢咁樣講。很冇禮貌。我嗌嘢唔該前唔該後，只係平時少食車仔麵，又第一次幫襯呢間，唔知要嗌麵先，洗唔洗咁串，我即刻黑曬面挖住佢、咩心情都冇曬。雖然好少事，但買個車仔麵食，為咩要受氣，好似我做咗咩為難佢咁。所以以後不會幫襯，而且都會叫朋友唔好幫襯，免得受氣。食物質素都不好，蘿白假甜，魚蛋豬皮普通，湯底太咸，不過四五十蚊可以接受。只係態度太差，當時個員工如果講多一句冇禮貌嘅嘢，就即刻會走。唔想無端受氣嘅話，不要幫襯！…查看更多

我嗌左三餸。個店員無乜禮貌都算喇⋯⋯湯底咸，所有餸都得咸味，蘿蔔假甜，丸都可以唔好食，真係無辦法唯一可以開心入口嘅只係凍烏龍茶⋯⋯因為飲完可以好好沖淡口中嘅咸味⋯⋯…查看更多

四餸蝦子撈麵，所有餸都無保温凍冰冰放上撈麵上。一.墨魚卷 ：粉漿卷～又凍又乾二.酸齋 ：完全唔淋亦係凍的三.豆卜 ：臭的～ 以為食緊臭豆腐四. 雞翼：唯一能食的～都係凍的我甚少寫食評，哩篇係我未離開個food court寫的～ 可見有幾嬲。另外個幼麵都尚可放入口～ 蝦子無特別味道。只能講佢另外自己加的菜脯算係最好食。最後只吃左一半就放棄了，從來未食過咁難食既車仔麵，食完勁後悔，迫自己寫夠二百字黎做評分。絕對唔會再幫襯。…查看更多

叫左三餸淨餸豬爽肉 (每一舊都有豬毛)⬆️可能我吾好彩？墨魚卷魚肉春卷味道好好👍有辣菜浦同辣醬(自己任加)價錢合理.選擇好多可惜豬爽肉全部都有毛湯底濃郁，叫淨餸會有菜底…查看更多

一心嚟食，但發現味道跟以前佐敦店已經差好遠，叫左4餸，湯淡，唯有豬紅可以，㩒完點餐機又要去櫃位叫餸，側邊完全無指示，一點也不friendly，仲要比點餸阿叔催促，咩心情都無晒。…查看更多

最愛車仔麵之一位于太古美食廣場清潔美味需然款色不多但感到店主小儀用心制作尤魚，魚春卷，羅白必食湯底清新不口喝！至愛辣菜脯自助加$7飲品紫背天葵清熱好味四餸$58也合理！平靚正隱世小店值得支持！…查看更多

下晝兩點經過見到有人排隊，咁啱想食車仔麵就入去試吓啦~自助付款買飛再去點餐，錢同食物唔會接觸到，呢個值得一讚。嗌咗四餸撈粗:冬菇豬腸牛腩豬爽肉冬菇炆得好諗滑入味，豬腸無異味又肥又諗(大部份)，啱曬鐘意食肥豬肉嘅我，牛腩口感幾好，唔韌但太咸，要放撈麵湯洗下先食到，豬爽肉爽口彈牙，味道啱啱好。蝦子撈粗無乜蝦子味，麵面頭有少許調味粉，食落似公仔麵調味粉，唔知想點，呢個面整體一般般🤓有下次:冬菇豬腸豬爽肉…查看更多

幫襯左呢一間麵麵店都有好幾次，因為佢嘅菜脯真係好好食，嗰一浸辣味同埋爽脆嘅菜脯令到成個麵都升華晒。同埋佢啲菜譜係任食嘅，鍾意食辣嘅就真係唔好錯過囉。相對而言佢嘅湯可能就比較遜色，同埋佢嘅配菜都唔係話太特別。…查看更多

難食到一個點，咖哩魷魚，咖哩魚旦完全無咖哩味，豆卜又無剪開，總知成碗麵都唔掂，第一次食咁難食嘅車仔麵，救命……點解可以差到咁呢？真係離晒大譜，搵笨。。。。。。。…查看更多

老實說，車仔麵可以怎樣難食法？就是這個！其實食材新鮮，湯底有料，就已經可以很好吃，但是😔😔蘿蔔：完全沒有醃過，也沒有任何味道:(魚蛋：就是普通的魚蛋，沒有突出的調味料（如新記）春卷：就是照抄譚仔那個，也沒特別生菜🥬：就是正常，還可以吧湯汁：極度難吃！沒有腩汁/滷水汁 etc 選擇，只有清湯...... 本身清湯也不是問題，但是材料也沒味道啊⋯⋯完全食不完半碗！可能我揀的餸比較沒味道，不過如果在別家吃車仔麵，還是同一餸菜，一定比較好吃…查看更多

係太古城想食車仔麵真係諗唔到邊到有，去到food court就比我見到麵麵店，咁未食過就試下啦。咁我就叫左個四餸麵，要左豬紅，冬菇，滷水雞翼，同埋酸齋，麵底就要左油麵。個人覺得車仔麵黎講油麵好緊要，咁佢個油麵都算唔錯既，過得去，爽番少少可能會好Ｄ。餸方面就不過不失，但係想講下個酸齋，個人覺得唔係好夠味，可以酸番Ｄ，同埋佢個質地係有Ｄ硬，咁係有咬口，但我自己偏好淋少少。另外想既係佢Ｄ菜莆係任裝，反而我覺得Ｄ菜莆幾好食。整體黎講都唔錯既。…查看更多

幫襯左超過一年，一路質素穩定，每個月都食一、兩次，係咪轉左手？定轉左廚？蘿蔔、豬皮、冬菇、雞翼呢啲一向入味嘅餸依家完全唔入味，連湯底都唔夠味。連餸都比少左，第一次叫豬皮得3塊…查看更多