上海婆婆 (黃大仙中心北館)

营业中

休息中

同屋企人去咗黃大仙「上海婆婆」食晚飯，餐廳除咗有多款主打嘅上海菜式，同時亦有推出不少重慶菜式，所以無辣不歡嘅大家都好適合嚟依度食飯。*此餐廳收取全單10%服務費。婆婆粒粒炒飯（單點$82），蝦仁口感彈牙，味道鮮甜，臘腸份量多，炒飯口感粒粒分明，表面裹滿豉油，食落好香口，內有雞蛋、香蔥。素醬燒茄子四季豆（單點$78），四季豆口感爽脆，燒茄子食落好Juicy，配以冬菇、素醬食用，味道鹹香。重慶麻辣小雲吞 （單點$58），一口小雲吞內有豬肉、椰菜、香蔥，配以麻辣湯底食用，食落好惹味。重慶小麵（單點$48），表面鋪有肉碎、花生，細麵口感爽滑，湯底辣度5分。上海小籠包（單點$45），皮薄餡多，內有大量湯汁，豬肉餡料肉味濃厚，配以薑絲鎮江香醋食用，味道更佳。高力豆沙4件（單點$58），口感軟綿，豆沙口感綿密，味道香甜。茗茶（兩人$12），茶味濃香。