牛站(駅)麻辣火鍋放題

营业中

休息中

最近胃口大開，食放題先可以滿足到我個黑洞胃呀 🤣發現咗呢間牛駅麻辣火鍋放題都高質！問落先發現佢哋嘅麻辣鍋食材都係四川直送，應該滿足到食辣嘅朋友 🌶！ 🍲今次湯底叫咗鴛鴦鍋：滋補豬筒骨鍋+ 養生藥膳雞鍋 ! 味濃而且十分足料💯，我地仲點咗花膠用黎熬湯底，更濃稠，更養陰潤肺💕！食物方面選擇超多🤩！牛、雞、羊、豬肉、海鮮、麻辣小龍蝦，糍粑任食！另有超多配料任君選擇🥰！等緊食物嘅同時又可以叫下d 炸物或者出去拎d 餐前滋味小食，個口絕對冇時間停低呀🤤！ 🌟推介必食沙百！非常鮮甜，係我地一加再加單嘅選擇之一💯！ 🥩牛肩胛片，肉質鮮嫩，配埋湯底嘅鮮味，真係要比手指公！👍飲品方面又係超出色🤩！ 多款養生茶、汽水、清酒，梅酒，啤酒任飲！好少見冇咁多選擇！我最愛就係桂花烏龍茶❤️，陣陣花香係口腔中徘徊！😘🍰甜品又係誇張！除咗有冬甩、大福、乳酪雪糕外！仲有推介韓國芝士朱古力雪糕！口感帶點煙靭，而且係朱古力味😍冇得輸呀！鍾意食甜品嘅我差唔多每樣都試晒🤭肥慘了😌