麻辣小聚 (Ladder Dundas) (已結業)

天氣凍左好多，心思思好想食辣野，好彩男朋友都可以食辣，放假叫佢陪我去試係觀塘嘅麻辣小聚。呢間餐廳最特別係有得食麻辣小龍蝦，之前食過一次好好食，一諗起都流晒口水呀！麻辣小龍蝦份量好多，色澤都好鮮美，食落蝦肉好滑嫩，麻辣味好夠勁，好正。水煮魚到上左先發現份量好多，除左魚片，仲有配菜，豆腐皮、粉條、萵苣等都好新鮮。水煮魚片食落魚肉結實，魚皮爽口彈牙，唔會一夾就散，加上辣香又麻辣嘅湯底，額頭出曬汗。拍蒜炒萵筍絲，蒜味好香，萵筍絲好新鮮，味道味好清脆嫩口，肉質爽甜。