黃記煌三汁燜鍋 (已結業)

打邊爐係香港精神，同朋友飯局，火煱指數極高，企係加拿分道口，黃記煌燈光火著勁吸睛，《御膳明餚三汁燜鍋》即時胃口大開，立即上去親身體驗。黃記煌嘅三汁燜鍋，打破了傳統火鍋形式, 無水烹調燜煮，自選鍋底材料有多種選擇，汁料可按自己喜好選擇麻辣度、鹹鮮汁，原材料無水燜煮，真正原汁原味。燜鍋材料除了常見嘅三黃雞，豬肉、牛肉、海鮮大軍鍋亦都唔係新奇，牛蛙炆鍋我真係未試過，麻辣度除咗大小辣之外，仲有招牌鹹鮮汁，海鮮鹹鮮汁，香辣䜴黃汁，口味百變，值得一試。百年御膳，果真有宮廷氣派，紅色寶盒一層一層，店員逐一展示排列，望着鍋子曡上一層又一層的美食，特別期待，肚子也特別餓的😅海鮮大軍燜煱集合了鮮蝦、鮮蠔、鮮魚塊、鮮尤魚等爆鮮食材，配合小麻辣醬料，自煮自滾，鮮味指數更上一層樓。呢個時候加入鮮雞件，變身惹味雞煲，加上麻辣上腦喇，食得特別豪放，加點上湯開始烚吓烚吓，大聲講大聲笑非常盡情。火鍋玩fusion,黃煌記可以食埋許留山又得喎，愛吃麻辣被虐待嘅感覺，偶爾一下辣得脷伸，喝一口冰涼芒果蘆薈爽，立刻心曠神怡，爽呀。今日試咗個海洋盛宴，難忘宮廷三汁，隊埋至愛許留山，呢種食法真係未試過，不錯👍