影片
港铁尖沙咀/尖东站 B2 出口, 步行约2分钟
继续阅读
营业时间
星期一至四
12:00 - 23:00
星期五至六
12:00 - 23:30
星期日
12:00 - 23:00
公众假期
12:00 - 23:00
公众假期前夕
12:00 - 23:30
以上资料只供参考，请与餐厅确认详情
1:第一次过来吃，午市时间全场得我地一张台，一入来拣左个卡位准备坐低，结果d服务员叫我地一行3人坐最边位嘅卡座，即刻个人火都来埋，人影都冇一个，洗唔洗要我地坐系d咁角落嘅位呢？又唔系多人，全场得我地3个人。于是我地同距讲想坐靠窗，结果埋又系可以坐，真心无语。😑2:40几蚊一个小吃，一份打边炉的窝笋，淮山，小吃细碟唔紧要，窝孙得6块，仲有3大3细，淮山都系得几快，完全系出面d半份份量，超少，块块都系钱🥴3:最离谱系我地虽然都有叫野饮，但后期想饮水，结果距地话要收6蚊一扎，真心火咯，又唔系一支果d矿泉水，普通水一扎居然都要收费。唔怪得午市冇人来，平时楼下又要狂派传单，来一次唔会想再来咯。差评😡
继续阅读
病依然未痊愈, 要食清淡少少! 原来黄记煌有午餐, 决定试试! 当初第一家店喺湾仔我帮衬过晚餐, 系几得意既! 整个午市计埋我哋都只得2枱客, 唔问侍应系唔会主动比午餐餐牌的, 好彩我一早知道有午餐, 如果唔系应该走左, 唔通食 lunch 都打边炉咩 (隔离枱大陆客系打边炉)…虽然我都试过午餐去东来顺食涮羊肉, 不过而家仲病紧就免喇! 午餐套餐有4款选择, 包括猪、鸡、鱼、牛配饭或乌冬, 大约 $56 包饮品及一粒许留山甜品! 唔知点解系许留山, 仲要有成个 menu 可以叫许留山饮品! 除左套餐, 另外仲有米线选择! $39 包3𩠌, 好抵食! 汤底唔系味精水, 系鸡汤 (不过有点太油), 米线非常爽口弹牙, 我本身对米线无研究, 公司个妹系谭仔/三哥 fans, 佢话黄记煌好味过谭仔 d 米线好多 (佢讲得出2间谭仔喺食物出品上既分别架)! 𩠌有点少失色系打边炉𩠌, 即系无味啦, 不过𩠌唔系劣质, 系高质的! .鱼腐相当出色, 唔系淋烂𠮶种, 里面真系有馅架…+$4 有银菊露, 超大杯! 注: 总括而言, 会再去, 一定会再去!
继续阅读
起初见到呢间黄记煌好似好特别，订咗星期六，上到去餐馆，得小猫三、四枱，心知不妙，不过上到去就算啦，费事再揾过第二间，，我地一行6人，叫咗两个锅，一个系石班鱼锅，一个系牛魔皇锅，侍应首先攞咗个几层嘅盒出嚟，跟住就铺上蔬菜再铺咗石班，之后冚盖煮，到差唔多熟之后就落汁再煮一阵，牛魔皇一样煮法。我地仲叫咗几款小食，尖椒皮蛋，拍青瓜，鸭血猪皮。之后叫咗几样打边炉嘅𩠌，𠮶啲𩠌就超级唔抵， 唔值呢个价钱，分量太少，非常一般，唔会再有下次
继续阅读
平日星期三嘅晚上，成间餐厅劲少客人。我谂加埋得4台客，店员好足够。今次系第一次食，感觉好新鲜。佢哋系即场喺客人面前整，无水烹煮。以先食->加汤->后烫我哋系4个人去食，焖锅选择都几多。同平时打边炉、食鸡煲好唔同。我哋拣咗牛气冲天焖锅 (小辣)入面有牛肉片、牛肚、牛脷、牛柏叶店员即场为我地煮理呢个焖锅，一层一层咁加入个锅到。最后加酱喺面，再煮一阵。完成后，再加咗层芫茜，超香超正!! 小辣都劲辣呀，辣得超过瘾!!牛柏叶超爽~牛肚超软淋淋，牛脷好有咬感。饮品系许留山嘅出品，西瓜芦荟爽，芒果芦荟爽同埋芒椰奶西。尖椒皮蛋，好香好好食~蜂巢豆腐，索晒啲辣汁超正呀!!广岛蚝鲜淮山三黄鸡件手打虾滑芫茜炸鱼皮，脆卜卜整体都好好味，可以再嚟食多次!! 餐厅店员都好友善，好帮到手。餐厅亦舒服，空间感足够，仲有洗手间。
继续阅读
今日同个好耐都未见过嘅姊妹聚一聚，佢话食过依间2次都吾错，而且坐位宽敞，坐得舒服，倾计都吾会逼住咁辛苦佢话有个锅，系有只生鸡，同配菜，从上枱先开始煮，由生煮到熟，好新鲜即食，好鲜味，听到我都口水流晒🤤🤤🤤🤤好了落左单，叫左一个尖椒皮蛋，黄牙白菜，加一个鸡锅，2个人够食啦。尖椒皮蛋食落发现上面一粒粒的只系罐装蒜蓉，然后加啲辣油同麻油，小辣椒系皮蛋度。中下水评由于本人食过好好味的，佢依度处理手法过份求其可以用难食去形容。食左个皮蛋已经过左差吾多20分钟，个鸡锅仲未尼，我地以为漏单，问一问侍应，佢话系厨房煮紧，我地话咩吾系应该放出尼煮，佢话我地叫个个系要煮完先拎出尼，结果我地发现叫错左另一个最新的重庆鸡锅吾紧要啦，吾叫都叫左，试下新野冇妨，加上我地叫左小辣，应该冇问题。一食就知道今获奶野，第一啖咬落个薯仔度，啲汁已经辣到喉咙好辛苦，见到有啲芝士加左系表面，但完全起吾到解辣作用，冇办法啦顶硬上都要食，鬼叫我地叫错左咩～😨😨😨我地想叫野饮，想叫啲特饮或者啲特别酒，点知佢话乜都冇，因为水吧冇人返工，真倒霉个汤好恐怖，越煮啲辣油越多，已经用个碗特登不起表面啲辣油，希望可以食到入面啲配料啦，因为太辣，点知不完吾够5分钟，啲辣油吾知系边度又煮返出尼，劲多，不极都有，认真惊呀!最后食菜，吸晒啲辣油，吾食紧乜，油泡菜咁。今餐只可以用难受去形容。我冇怪佢地食物难食，只系我同朋友都食吾到佢所谓嘅小辣都好似大辣咁(我同朋友平时都食得辣)，只系我地叫错左个锅。环境好大，座位系舒服嘅
继续阅读