鬼金棒

营业中

休息中

勁鍾意食芫荽嘅，話我係芫荽人都一啲都不為過！😂連老公都比我薰陶埋食芫荽😂所以一有芫荽嘅菜式必定去捧場。呢間拉麵店嘅王牌，原來係莞荽辣麻味噌拉麵🍜咁就梗係要試吓啦，估唔到味道仲係我鍾意食嘅麻辣味，由辣度到麻度都係自己話晒事👍除咗大量芫荽提升香味嘅層次之外，呢度嘅軟綿綿豚角煮都係賣點之一，比起博切叉燒感覺更有份量。啖啖肉就不在話下，仲好香濃油花味，但係食起嚟唔會覺得肥膩嗰吓神奇！拉麵亦都比喺出邊嘅更粗身，食起嚟特別煙煙韌韌，非常啱我口味👍老公見呢度啲叉燒勁正，就嗌左增量叉燒味噌拉麵，每塊都差唔多手掌咁長，又夠厚身，仲要係打孖嚟，四倍滿足！食到老公都話舔舔脷，話咁先係滿足喎！