囍宴 甜‧艺 (已結業)

食完生記麻甩Lunch，埋單後還有廿五分鐘先夠兩點，有麻甩提議不如再下兩城，走過去呢度食下甜品。都好，星期五holiday mood，遲d番公司都唔係好過份。今次食甜品又真係全麻甩，共五件。入到去拿拿林落呵打。可能還在試驗階段，見餐牌都唔係咁多甜品選擇。點了1)蓮香飄飄羹—其實係蓮子糖水，蓮子不算大粒，弄得幾腍，但可能因糖水稍淡，入口有點苦澀。(2)養顏腰果露—腰果磨得幾滑，但水的份可量能落多了，口感比較稀，腰果味走不了出來。(3)杏汁南瓜露—像是喝著南瓜湯似的，較重的南瓜味將杏汁味完全掩蓋，感覺一般。(4) 私房香蕉雪糕—份量都給大家一個驚喜，實在有點細，但賣相可取，雪榚應是自家炮製，但尚有改善空間。價錢方面，平均都成廿八蚊碗，以這個價錢，灣仔區來講算幾貴，相信日後增加甜品款式後，都應該在甜品位置上佔一席位。