麻辣香鍋

营业中

休息中

再相約朋友一齊去麻辣野，去旺角搵真係唔算多選擇，有些地方室內環境又麻麻地，到最後去到朗豪坊附近搵到間好像不錯既地方，又夠光猛，同朋友一入到去原來都幾多人。【招牌香鍋】招牌香鍋可選擇不同口味，有香辣、麻辣等等，又可以選擇辣度，這個鍋至少可以揀五個餸，我同朋友到最後揀左鯛魚片、豬大腸、雜菇、蓮藕、薯粉。獲氣十足，勁惹味，大腸微微炸過，外皮勁脆口，有少許似出面炸大腸既口感。炒薯粉勁入味，真係第一次食，煙煙韌韌薯粉同這個餸菜配埋一齊勁夾，值得推介。【夫妻肺片】麻辣野必食就係夫妻肺片，內裡有牛肚、牛脷等等，再加左青瓜絲、紅蘿蔔絲，令整碟提升爽口彈牙，又夠惹味。【秘制拍青瓜】青瓜的清香和爽脆再加上自家制醬汁的酸辣，超級開胃。【川香鮑魚雞煲-半隻】半隻雞份量都算多，我地揀了麻辣味，內裡不止雞件，仲要有4隻鮑魚，每隻都算大隻，味道帶點麻香，入口每件雞嫩滑又惹味，這種辣度令我勁開胃，鮑魚煮得剛剛好，每件都鮮嫩彈牙。