媽咪雞蛋仔 (已結業)

有日同老公行開大圍突然之間好想食雞蛋仔就買咗一底試下。咁多味真係搞到我有選擇困難症。雖然舖頭門口細細，但係排隊攞飛落單情況無混亂，幾好。鹽燒紫菜粟米雞蛋仔($32)見呢個配搭好少有，紫菜粟米我都鍾意食，所以就試下。佢係一大塊紫菜夾住喺雞蛋仔中間而唔係紫菜碎。不過嫌塊紫菜有啲油，搞到成底雞蛋仔都好似油冧冧咁。 好足料，每粒雞蛋仔都起碼有四至五粒粟米喺入面。連埋個粉漿甜甜鹹鹹好好味。總結係，呢個味道都好創新，不過下次會試埋佢其他味。