影片
以上资料只供参考，请与餐厅确认详情
经过大围揾食市集见到妈咪鸡蛋仔就心挂挂叫咗个香蕉鸡蛋仔 皆因之前系荃湾分店食过一次就好难忘 点知呢间分店啲鸡蛋仔再次令我好失望系条街求其买一底十几蚊都好食过佢 𠮶阵时店铺得我呢张order 鸡蛋仔等咗大概五分钟就有得拎 拎上手热辣辣 但系食落口真系不了一摆入口以为自己食紧啲蛋糕仔 无论手感同口感都好似 因为店员整好之后求其吹咗几吓就俾我 饼鸡蛋仔摆明吹唔够风无论热食冻食入口都系软濑濑 好似𡁻紧旧胶咁 同我想像中嘅鸡蛋仔真系好大出入 口感差都算 仲要系偷工减料 $28又唔系平 咁不如食原味算啦 佢唔系粒粒鸡蛋仔都有香蕉 得半底有香蕉 之前系呢度食过一次香蕉朱古力都系俾唔足料 呢间同我系荃湾食𠮶间分店都几大分别 我系荃湾食𠮶间最起码个饼底系脆先 而且粒粒都俾足料如果下次想再食都唔会系呢间分店买 真系好失望 题外话：见到个店员冇戴口罩整鸡蛋仔 整紧𠮶阵仲系到一路食嘢一路讲野 之后先再处理我饼鸡蛋仔 感觉唔太卫生
继续阅读
街头小食我最爱之一就系鸡蛋仔，今日黎到大围揾食市集，点可以唔食妈咪鸡蛋仔!味道选择多又够特别，而且仲不时有期间限定!同好友一人一底鸡蛋仔，再加杯特饮，劲滋味~双重芝士鸡蛋仔选用车打芝士同mozzarella，每格都有大量芝士粒，好足料~入口啖啖芝味又有浓郁蛋香，外香脆内粒粒爆芝，口感十足，咸甜适中，带黎双重芝士享受，好邪恶! 香蕉朱古力鸡蛋仔每格都有香蕉蓉同粒粒朱古力，馅料丰富又足料，外脆内绵密，烘烤后朱古力粒呈半溶状态，加上蛋香味浓，味道层次丰富!宇治抹茶牛乳红豆抹茶浓厚甘醇，加入香滑味浓既牛乳，同软糯饱满红豆粒，绝配！宇治抹茶牛乳浓郁又馥郁既宇治抹茶，配搭浓醇香既牛乳，口感滑顺，风味十足。
继续阅读
本身住附近，成日见佢多人排队。放假特登兜过去买啦，点知买两饼都中伏。原味($20)拎上手已经淋过毛巾，摆明系摆咗劲耐，食落仲要韧，唔知系粉浆特别定点啦，但系加埋淋pat pat成件事就好负面。另外买咗伯爵茶味($28)，味道就ok嘅，唔过甜，茶味都浓，但系都好冧身。每饼咬咗几粒都系顶唔顺，唯有拎返屋企焗热佢。总括嚟讲，质素麻麻价钱偏贵，百佳仲好食啲。
继续阅读
《有机栗子🌰》栗子蛋糕都唔会揾到真材实料的栗子但今日竟然俾小编系鸡蛋仔揾到仲要系每一格都有粒粒栗子🌰系真系好有诚意 亦都岩哂我呢个栗子控微微香甜的栗子 更为蛋鸡仔添加绵密的口感.《双重芝士🧀》听个名都知超邪恶金黄色表面呈现点点橙色 是咸香芝士咬一啖就吃到 中心都加了拉丝芝士味道其实有少少似烤芝士包.《宇治抹茶🍵红豆豆乳》最怕饮呢d饮到好似饮糖水咁呢到将甜度控制得好好 真系得好少甜豆乳其实唔太甜 主要甜味来自红豆茶味甘香突出 因为佢落左好多抹茶粉啊🍵
继续阅读
今日5月1号假期，踢完单车后，决定同朋友去大围市集快闪食个下午茶，见到好多人排队买鸡蛋仔，我都买黎试下先。盐烧紫菜粟米原片紫菜包裹全个鸡蛋仔，加上粒粒咸粟米🌽，烘得外脆内软，口感烟韧。粒粒朱古力每粒鸡蛋仔有香浓朱古力味，朱古力浆香滑又味香浓，口感烟韧。柠檬茶我钟意茶底清，无茶涩味，加上新鲜柠檬汁，酸甜味好醒胃，够解渴。宇治抹茶牛乳红豆抹茶味甜中带点苦味，茶味浓郁，红豆饱满香甜，甜中适中又解渴。童年回忆番晒黎
继续阅读