英記油渣麵 (已搬遷) 新店位置

多得麻煩上司，假期前夕都重要遲收工，唯有與老婆簡簡單單撐檯腳，有車在身，去偏一些的地方都可以，就去大角嘴英記。一入到去，侍應就問你要大定細，原來獨沽一味，真係孤陋寡聞。另點雞亦及芝士腸，都OK的。講返碗油渣麵本身，油渣偏腍，湯底略嫌偏鹹，不過都幾惹味，可能係多得冬菜。麵身算是彈口。加埋辣醬都幾夾，增加色香味。份量偏少，大男人未必可以當一餐，當小吃份量尚可。附近幾多咪標位，舖前亦可以停車。