粵式生香蒸氣海鮮火鍋 (已結業)

鍾意食海鮮又鍾意打邊爐，所以友人帶咗我嚟哩到一試平時聽人講食蒸海鮮（冇計，潮流嘢）實俾人湯到一頸血，仲要係食肆林立嘅厚福街，都做定洗錢嘅準備一嚟就坐正係個海鮮位隔離，生猛海鮮好多樣。得兩個人，散叫唔化算，叫個498併盤海鮮一共七種，有扇貝，花甲，蜆，蝦，蟹，泥鯭，鮑魚。另外再加個雲耳有點菌類食下。前菜酸瓜，清新爽口店員續樣材料放入蒸鍋，計時器一響即刻打開蓋，確保海鮮唔會過熟。其中扇貝好靚又新鮮，望落個樣無乜光澤，不過食落就肉質淡淡鮮甜又爽口。蟹就望落靚仔，但食落有點水其他海鮮食落都新鮮，質素有返咁上下。食食下唔夠喉叫多個豚肉，味到帶酒味同甜味，原來加咗冰糖嘅豬係好爽口的。最後仲有個鹹骨粥，鹹骨好入正，本人認為海鮮精華都唔及鹹骨，仲有大頭菜調味，食法都講究。服務方面都好，是日星期日，未見滿座，負責人都有埋嚟介紹，派濕紙巾，態到親和熱情。