影片
食家推介
平时系街，是是旦旦食一个蒸气火锅，基本上都系按人头收费，普普通通价钱大约每位都要$3-400左右。呢一间，有海鲜套餐既选择($498/4人餐)，如果唔拣海鲜套餐，另外仲可以散叫食物，选择比较弹性。虫草鸡($128/半只)无骨！超滑！好食！必食推介！另外，侍应姐姐服务好好，帮埋你蒸野/分菜，见你落手拆蟹，等你食完之后，会主动递上湿纸巾。当日book唔到心仪既蒸汽火锅店，唯有求其系尖沙咀区揾到呢间，见到openrice d食评同餐牌都N年前咁制，心入面都打左个底先去食，但估唔到竟然有意外惊喜～。
继续阅读
好耐冇去食蒸气火锅，突然心血来潮想食，当然系去H8食佢地啦，去到见到有埋几款泰菜，佢地前身就系三角公厕附近𠮶间小店泰式生香，梗系即刻转軚食泰菜啦!当然冇以前主打咁多款拣，但有太座至爱嘅“香叶辣椒豆角肉碎炒饭”，食落一样超级好味，不减当年!“炸虾饼”送酒一流!“烧鸡翼”配上甜酸汁简直令人食唔停口!真系要多D上嚟食饭喇!
继续阅读
星期五己接近两点非繁忙时间，我与朋友入去只安排一张入面最窄的枱俾我地，我礼貌地问那个戴眼镜女待应可否安排另一张大点的枱，因为里面其实重有五至六张吉枱冇人坐，点知𠮶个女待应语带不满话「你要坐咪坐啰，到有其他人坐你都系要俾返张枱我啦！」第一，己过了午餐繁忙时间如果你爆就唔会咁多吉枱剩低，其次驶唔驶用赶客语气咁不满，只系要求调个位啫，乜嘢order都未叫都唔得？你咁好生意就唔驶楼下揾阿姐派传单叫人上嚟食饭啦！你咁爆午饭时间就唔驶咁多吉枱啦！终于明白原来佢哋服务态度咁一流，唯有祝你地「客似云来」....
继续阅读
估唔到又几好 wor…蒸海鲜餐厅午餐竟然系做泰菜…坐位宽阔, 好爆场! 有生猛游水海鲜, 下次可以试下晚餐! 泰式午餐好抵食, 见隔离枱枱都清碟, 咖喱连汁都清埋 (连女仔都清碟), 我哋好有期望…点知….坚掂! 虾酱炒饭 ($50) ~ 未放枱落已经闻到好香, 饭炒得干身, 仲有几片葡式腊肠, 好味道! 炒金边粉 ($52) ~ 够味, 粉软硬适中, 仲好多𩠌! 猪手饭 ($50) ~ 猪手好淋, 唔肥, 入味! 唯一饭于我有点硬! 注: 整体来说….都真系几好食, 可以去多几次, 下次试咖喱!
继续阅读
行过见到佢楼下个易拉架见佢lunch又唔算好贵就一于上去试下上到去又唔算多人叫左个青咖喱鸡饭佢个咖喱系菜多过鸡既😂😂😂不过个咖喱都唔错送饭一流可惜个饭淋左啲
继续阅读