日日香鵝肉飯店 (已結業)

有冇人發現每次經過大馬路小巴站對出嗰度，有間新店，食潮州滷水，原來呢一間新開嘅日日香鵝肉飯店已經係香港有成七至八間分店，一定有佢過人之處🤔 滷水散發出嚟嘅嗰種香味真係令人欲罷不能，而且又係配上嫩滑無比嘅鵝片，都係$78，仲要加$9蚊就有鵝骨湯，高質之選👍🏻滷水汁撈飯最怕就係唔夠汁，但呢度係會有成樽滷汁喺枱頭比你隨便加😚之後再嗌左滷水鵝腸、鵝掌、鵝翼、鵝腎，價錢大約40-50一份，個人覺得鵝腸最入味爽脆，值得斬料拎返屋企食🥳