日日香鵝肉飯店 (已結業)

晚上路過元朗就試下呢間食店，叫左滷水鵝皇飯及特選滷味飯兩個套餐，鵝皇飯中的鵝片、腸及腎都好食😋，但鵝肝就唔係滑肝嗰種🫤，麻麻…… 至於滷味飯中既豬大腸及紅腸都好食😉，係腩肉比較嚡😑，失望…… 除左餸之外仲配有潮式甜酸菜，味道夠晒開胃🤩，好食！如果有一樽樽俾人買就好了👍！

炎炎夏日，偶爾經過康樂路附近，看到這間日日香餓肉飯店，難得有一間可以堂食的滷水飯店，當然要入去試一試，裝修四正，地方坐得舒服，員工有禮一個人的午餐。樣樣都好似好吸引。但一場黎到，點都要試吓最出名的鵝肉，所以叫了一個鵝肉鵝腸雙併飯套餐。鵝肉肥瘦適中，鵝腸夠肥，滷水夠香，離遠望入廚房，偷望老闆正在好有心機咁擺盆中（加一分😂），套餐中原來還包括滷蛋，豆腐，甜酸菜，非常豐富，大大份，唔怕食唔飽下次有機會都想試下墨魚，豬耳和其他滷水，未試過的朋友可以一战田

好耐無食滷水鵝，今日中午餐就決定黎呢間日日香試試，上網見咁多好評睇下係一咪真係咁正先。鋪面裝修都幾闊落，有卡位，坐得幾舒服，乾淨企理，坐底係咁意望下餐牌，其實我都心中有數食乜，就係鵝片飯，鵝胸起片啖啖肉，同事就試下就咁鵝肉飯先，有骨位，相對平少少。獅頭鵝片飯，個飯唔只得鵝片，仲有半隻滷水蛋，有d豆卜，豬肉條同菜脯，唔會剩係食鵝咁單調，鵝片啖啖肉，滷水味同鵝味都好足，無其他野講啦，飯就偏硬身少少，本身個飯汁水唔多，枱上面另外有枝滷水汁俾你自己加，唔夠就加，呢個做法幾好，我自己加左d落去咁個飯就好食好多啦，另外都有酸醋汁俾你點鵝食，絕配。獅頭鵝肉飯，帶骨位既鵝飯，同事食完都話應該食鵝片正好多喎。成個飯真係食清光，飯量都好足，成年男士一定夠飽，雖則價錢唔算話平，但質素高相對性價比高。

途經此店 見到4:30後有85折 一於加料煮少味 抖抖😎1/4隻鵝 原價$218 紅腸 原價$32折後等於送左盒紅腸✌🏻✌🏻正呀見到滿滿油光 食慾大增 配埋滷水汁 同靈魂酸甜汁 ❤️❤️堅好食囉❤️❤️鵝片啖啖肉 肉質鮮嫩勁香 忍唔住一口接一口果然係做鵝肉的專門店👍🏻原本打算買鵝肉片例牌比佢說說下 就買大盒咗🙈分兩餐2個人食 剛剛好😘當滷水癮起 而家呢間會係我首選😎再上OP望 發現港島九龍都有分店😋 唔係元朗專屬㗎

[#元朗滷水]  / 潮食滷香獅頭鵝 - 日日香鵝肉飯店 / 講女搵食團  = = = = = = = = = = = = = = =邊個話食滷水一定要去舊式打冷舖先有正嘢，去新式餐廳都可以食到傳承既味道 - 日日香鵝肉飯店 。𝑚𝑠𝐶𝑎𝑚𝑚𝑦好鍾意食滷水，加上獅頭鵝全身都是寶，睇完𝑀𝑒𝑛𝑢樣樣都想食，親愛的怕我有選擇困難症，叫左個精選二人餐，有晒𝑚𝑠𝐶𝑎𝑚𝑚𝑦想食既野。『原盅鵝骨湯』- 第一次飲鵝骨湯，鵝香味濃。『滷水獅頭鵝脾』- 平日多數食鵝片，較少食鵝脾位置。鵝脾肥瘦適中，多肉也不會油膩，口感豐富。鵝脾肉質嫩滑多肉汁，有鵝肉食更可以吮骨，配上潮洲甜酸菜，又可以唔會太膩，更添美味。『潮流滷味拼盤 』有齊豬大腸、豬耳、豬腩肉、紅腸、豆卜、滷雞蛋，一個拼盤滿有晒我鍾意食既野，每款都滷得入味。最愛豬腩肉，看似肥膩，但入口充滿滷汁香味，層次分明，肉質咬起來有口感，不會硬身，肉質棉軟。『滷汁油菜』有幾款菜可選，點了生菜，配上滷汁，夠晒味。套餐仲有2個白飯，滷汁配白飯，一流！P.S 買外賣仲有折，下次番屋企加餸先————————————————總括：幾款滷水都滷得夠味，顏色潤澤，油膩感不會太重。

喺元朗好少有專賣滷味嘅堂食餐廳，呢一間就係好似滷水我出名，今晚一於同老公試吓。我哋兩個都想試吓佢個滷水鵝片飯，因為叫我片嘅好處就係啖啖肉，原來佢返回跟一啲酸菜同埋一隻滷蛋，啲酸菜好好味，叫啲酸菜有得就咁買就返屋企就好啦。我哋另外仲叫咗個滷水墨魚，估唔到都幾大碟，以為呢個價錢應該只會得幾夠，但係都有好多，過足口癮。跟餐有個湯，我哋加錢要咗鵝骨湯，個湯係老火湯好足料。呢個天時凍凍地飲番啲湯就啱晒啦。為咗健康着想我哋都嗌返碟油菜，疊彩比一般餐廳大碟好多，真係超值。

專食鵝，仲要高質！自己唔係成日食鵝，所以好少留意，但知道最近呢到開咗間專食鴨嘅店，而且店舖有設計，食燒味都可以有格調。餐牌 滷水鵝肉飯 $66 話明食鵝，當然喊返個最common嘅鵝肉。每碗滷水都有滷水蛋、豬肉條、豆卜、甜酸菜及時菜。上枱可見色澤油脂靚仔😍皮下脂肪連鵝肉一齊食，融化係口中，增加口感，肉質細嫩，高質嘅鵝肉，必食！ 滷水雙拼飯 $78揀咗鵝腸同鵝腎，份量好足，2樣都好爽口，唔會韌，同樣高質，呢個雙拼飯，相信會encore，下次可以揀鵝肉拼其他嘢。另外，加$9仲可以要原盅鵝骨湯，足料。

路過日日香見到好多人買外賣點能夠唔入去食番個下午茶💕叫咗幾樣嘢獅頭鵝紅 $28撈公仔麵套餐 $50配生菜、羅白、芥蘭、包仔豆腐跟餐飲咸檸檬雪碧 $8胡椒豬肚湯 $78全部都好夠味鵝紅同包仔豆腐超入味食得出佢哋秘制嘅醬汁點解咁出名而公仔麵生熟剛剛好 無伏大推包仔豆腐 勁好食！豬紅成日食 獅頭鵝紅真喺第一次幾好送飯 滑捋捋仲好動L好新鮮嘅味道👍🏻👍🏻👍🏻👍🏻好鍾意間鋪環境好乾淨光猛感覺好舒服佢哋又唔抗拒小朋友見到我個細女就主動幫我拎餐具碗筷抵讚

滷水鵝皇瀨粉食鵝專門店當然要試下佢嘅招牌滷水鵝，套餐可以揀飯，米粉，河粉。瀨粉同滷水鵝分開上，湯底偏淡，瀨粉爽滑彈牙，配滷味一流。滷水鵝有鵝片，鵝腎，細鵝肝，鵝腸同鵝蛋半隻。鵝片肉質有嚼口又唔會柴，而且甘香，蘸小小醋食，味道更佳又唔膩。鵝腸油潤得嚟爽口，鵝腎都好甘香，鵝肝口感細膩，滷水好入味但唔會太重口。加$9可以加一個鵝骨湯，味道濃郁，唔錯。特選滷味飯滷味有豬大腸，豬腩肉，紅腸，豬肉條。豬大腸外皮煙韌，裡面油潤。豬腩肉肥瘦適中，甘香有肉味，豆卜同甜酸菜都幾好味。三檸可樂加$8嘅特飲。三檸即係檸檬，青檸同鹹檸，味道fresh得嚟好豐富，解膩一流。鹹檸雪碧同樣係套餐嘅特飲，鹹鹹甜甜嘅味道更突出，食濃味嘢必不可少。

見到呢間滷水店開到全香港周圍都有，今次就好奇同媽媽過黎試下，事關母親大人好鐘意食滷水同埋鵝，咁兩樣加埋一齊當然要黎食啦。滷水鵝片飯鵝片鵝味濃，比起滷水鵝肉味道更濃，而且有適量嘅脂肪，咬落爽口有口感，而且用上十八種材料醃製，經過六代人嘅傳承，可想而知質素都有返咁上下。滷水鵝肉飯滷水滷得入味不在話 下，而且大部份鵝肉都係近骨嘅位置，所以肉質比較滑。原盅健康鵝骨湯加$9 就有，而且湯非常足料，每盅都有一大舊鵝頸喺入面。餐飲熱柚子蜜同埋熱柑桔檸蜜

有冇人發現每次經過大馬路小巴站對出嗰度，有間新店，食潮州滷水，原來呢一間新開嘅日日香鵝肉飯店已經係香港有成七至八間分店，一定有佢過人之處🤔 滷水散發出嚟嘅嗰種香味真係令人欲罷不能，而且又係配上嫩滑無比嘅鵝片，都係$78，仲要加$9蚊就有鵝骨湯，高質之選👍🏻滷水汁撈飯最怕就係唔夠汁，但呢度係會有成樽滷汁喺枱頭比你隨便加😚之後再嗌左滷水鵝腸、鵝掌、鵝翼、鵝腎，價錢大約40-50一份，個人覺得鵝腸最入味爽脆，值得斬料拎返屋企食🥳

今日媽媽出咗去食飯 於是我就同爸爸撐枱腳 去到屋企附近嘅呢間日日香鵝肉專門店 餐廳裝修好典雅同一般鹵水店截然不同 四人座位坐得幾舒服獅頭鵝腎 呢個價錢非常超值大大份 鹵得又夠入味而且非常爽脆獅頭鵝三拼 入面已經有鵝肉 鵝掌 鵝翼 鵝肉肥瘦適中 肉質鬆化有鵝香 鵝掌鵝翼有咬口 膠質豐富用嚟送啤酒一流鹵水豬手飯 豬手已經切片非常方便 豬皮彈牙 肉質鬆化 鹵得入味 入面中已經有甜酸菜 滷水蛋等嘅材料 十分豐富仲有鹵水豆卜 同潮州豬肉條十分有特色

呢間餐廳開左3個月左右, 由佢裝修已經有留意, 屋企人鐘意食鵝, 新開個時已經成日話想去食下, 最近終於得閒去試下!餐廳裝修新穎、坐得舒適, 一睇店名就知道主打食鵝。款式唔算多, 但有套餐提供, 今次叫左2 人套餐3個人食, 因為d餸都幾多, 而且每樣都好岩配飯食, 3個人再另外加一碗白飯就岩岩好!套餐跟2碗原盅鵝骨湯, 用鵝骨煲湯第1次飲, 原本以為係好似普通餐廳既例湯質素, 點知完全唔同, 呢個湯幾足料, 味道幾好, 而且d湯無咩油!套餐另外包滷水獅頭鵝脾、滷水拼盤、滷汁油菜同2碗白飯。鵝脾肉質幾嫩滑, 旁邊有d酸辣菜食, 好夾。滷水拼盤內有豬大腸、豬耳、豬腩肉、豆卜、紅腸同滷水蛋, 份量都唔少。滷得幾入味, 而且大腸唔多脂肪, 唔太肥!滷汁油菜有菜心、芥蘭同西生菜揀, d菜都幾靚。整體$288加一碗白飯$12, 3個人食左$300都算幾抵食!有時懶得煮黎買d外賣都得!不得不提店員非常有禮貌, 每次上菜都會講句請慢用XD餐牌:

早前睇片見到內地潮汕澄海頗有名日日香鵝肉飯店，受到吸引之下來到進餐。點了鵝肉鵝腸配瀨粉配熱奶茶:鵝肉鵝腸和瀨粉分開裝，以避免滷水雙拼浸入瀨粉湯汁中太久會影響口感和味道。滷水蛋半隻、豬肉條、豆卜及甜酸菜，鵝肉滷水咸香，帶點鵝油香，滋味非凡！鵝腸帶點白色脂肪，咬落爽脆，滷得入味！瀨粉好大一碗，表面有少許蔥蒜，湯底不咸，瀨粉爽彈，幾條菜芯伴碟。每張枱面可以自己加滷水汁同醋倒入小碟，見到下午茶餐仲抵食。熱奶茶香滑店員服務熱切，招呼周到！

上次喺九龍灣食過午市飯餐好食又抵食😋今日入咗元朗探朋友，見到有分店，順勢試埋佢既晚市😎一場黎到冇理由唔食招牌菜，所以我哋都叫咗個全日套餐鵝片飯跟柑桔檸蜜，另外加左碟XO醬鵝肉鵝雜炒粿條同埋胡椒豬肚湯😁鵝片飯賣相好靚仔配料豐富！鵝片肉質嫰滑豬肉卷彈牙，配埋滷豆腐，滷蛋同甜酸菜真係好有潮州風味👍 送🍚一絕😋XO醬鵝肉鵝雜炒粿條惹味夠鑊氣！好足料而且唔會太油膩鵝腸爽口，粿條亦唔會太淋😊胡椒豬肚湯又係勁多料！😮 豬肚同酸菜食極都仲有咁😅 豬肚爽口，不過個湯我地就覺得鹹左丁丁今日天氣凍咗好多！杯柑桔檸蜜飲落好舒服😊 (仲要呢樣平時係茶記算係特飲既熱飲呢度唔駛額外加錢👍👏)整體都好滿意，服務唔錯👍 尤其經理好忙但態度依然好好，讚！💯