日日香鵝肉飯店 (已結業)

元朗雖然有好多外賣鹵水店舖但係都唔可以堂食， 姐姐最近有朋友話元朗康樂路， 開咗間可以堂食嘅鹵水鵝店就約埋同事一齊去食。入到佢覺得裝修好整潔好舒服，已且服務態度值得一讚。👍👍叫咗兩個雙拼 鵝肉 鵝腎( 而且套餐更配有鹵水蛋半隻 豆卜 豬肉絲同埋自製甜酸菜)十分 鵝肉入味而且啖啖都係肉，鵝腎唔硬， 如果覺得啲鹵汁唔夠嘅話， 每張枱都有樽滷汁可以自己加落去，十分貼心😍鵝肉腩肉配米粉，腩肉肥瘦適中，米粉都好大碗( 另外如果鍾意飲湯嘅話 可以加九蚊 有個鵝骨湯 裏面餡料有幾嚿鵝骨 十分清甜)另外叫咗一個普寧炸豆腐 呢個真係真心推薦外皮炸得很脆入面豆腐滑捋捋 而且大件夾抵食另外叫左杯椰汁紅豆冰, 請支持小店