陵發潮州白粥 (已結業)

星期日晚喺尖沙咀本身諗住打邊爐，但係電話冇人聽，直接上到去就同我講full晒，咁冇辦法啦，一路行下行下諗下有冇第二間打邊爐都諗唔到，所以就去咗太子食打冷，呢間打冷食過好多次，都係同老婆以前拍拖佢帶我嚟食嘅，上到二樓 ，叫咗個蠔仔粥，韭菜豬紅，腐乳通菜 ，鵝件蠔仔粥啲蠔比以前少咗，可能疫情關係生意差咗所以減低成本，韭菜豬紅入味，不過韭菜同以前一樣好難咬，渣多鵝件幾好食，因為成日覺得鵝件比鵝片滑，所以多數叫件食腐乳通菜，腐乳太多，因為本身食嘅嘢都濃味，所以太多腐乳反而無咁鐘意，叫左兩支玻璃樽可樂，正