鳳城酒家 (已結業)

之前食過其他地區嘅鳳城，整體感覺OK，我只會用貨真價實去形容。上星期朋友生日，第一次去鳳城太子店。我們一共14人，由於大部份係男仔個個都大大隻好食得所以叫咗好多餸。先來兩隻八寶鴨、餡料充足鴨肉鮮嫩、食材質素甚佳、沒有過分調味。全枱大贊、不到10分鐘兩隻11八寶鴨比我們徹底消滅😋😋😋😋炸子雞都好食，未影相就食晒，俾我揀會鍾意八寶鴨多啲。好多地方都有好食炸子雞，但係八寶鴨就唔容易搵到。有食神庇佑蝦多士、鯪魚球、上湯粉果，味道、溫度同口感恰到好處。😋😋😋西芹牛柳粒唔錯，牛肉幾淋冇雪藏味。豆醬炒唐生菜，夠鑊氣不過冇影相煎蓮藕餅相對係冇咁出色，都過得去嘅壽飽meet standard 唔錯，西米布甸甜度啱啱好，新鮮出爐香噴噴。😋😋😋係食過最好食嘅鳳城、上菜快、熱辣辣，金毛經理笑容可恭，服務好好。呢一餐食得好開心！希望佢哋可以維持到更高嘅水準。