更多
2021-09-10
74 浏览
朋友推介过呢间蟹仙好多次,就趁今日纪念日来试吓啦!舖头唔算好大, 十零张枱,店员亲切招呼,有唔同价钱嘅海鲜套餐可选,唔想太破费就拣咗个每位$399的餐,有9款海鲜加有机蔬菜。店员好快就把食材端上,见到只青口仲郁和喷泡,证明好新鲜!今日全程有人招呼,唔使自己落手蒸,首先就食咗只越南大虎虾,肉质都几弹牙,帮我哋食紧嘅时候,店员就自动帮我哋整下一款海鲜,所以系keep住有得食。跟住就有台湾九孔鲍鱼,佢已经事先处理好晒,所以一夹就可以咬落口,好烟韧实净,喜欢的话可以点一啲豉油,不过就咁食都够鲜味。跟住有韩国庆南珍珠蚝,虽然唔系好大只,不过真系鲜味十足,仲有好多汁添!非常好味。之后就食咗几款贝壳类,包括大西洋野生青口、日本大元贝和纽西兰刀贝蚌。食贝壳类就最惊煮得太耐好韧,但系呢度完全冇呢个问题,时间控制得非常好。青口平时成日都系净系食急冻,呢度嘅新鲜青口完全唔同,好重海水味。而大元贝都好食,真系好大粒!终于轮到食蟹,我哋呢个餐有2款蟹我一款龙虾,龙虾可选琵琶龙虾或者青年龙虾,由于前者未食过,所以拣黎试吓。首先馒头蟹,蟹身比较㘣,可能因为似馒头所以名之,佢都系唔海水味比较重,蟹肉唔算多,不过都好鲜
店员好快就把食材端上,见到只青口仲郁和喷泡,证明好新鲜!今日全程有人招呼,唔使自己落手蒸,首先就食咗只越南大虎虾,肉质都几弹牙,帮我哋食紧嘅时候,店员就自动帮我哋整下一款海鲜,所以系keep住有得食。跟住就有台湾九孔鲍鱼,佢已经事先处理好晒,所以一夹就可以咬落口,好烟韧实净,喜欢的话可以点一啲豉油,不过就咁食都够鲜味。
跟住有韩国庆南珍珠蚝,虽然唔系好大只,不过真系鲜味十足,仲有好多汁添!非常好味。之后就食咗几款贝壳类,包括大西洋野生青口、日本大元贝和纽西兰刀贝蚌。食贝壳类就最惊煮得太耐好韧,但系呢度完全冇呢个问题,时间控制得非常好。
青口平时成日都系净系食急冻,呢度嘅新鲜青口完全唔同,好重海水味。而大元贝都好食,真系好大粒!
终于轮到食蟹,我哋呢个餐有2款蟹我一款龙虾,龙虾可选琵琶龙虾或者青年龙虾,由于前者未食过,所以拣黎试吓。首先馒头蟹,蟹身比较㘣,可能因为似馒头所以名之,佢都系唔海水味比较重,蟹肉唔算多,不过都好鲜味。
至于琵琶龙虾就比一般龙虾细只,蟹膏唔多,蟹肉条纹好靓,实净弹牙。
最后就系食大黄奄蟹,蟹膏好靓,蟹肉鲜甜!有埋工具俾你慢慢拆肉食,非常好!
食到呢度其实都饱饱地,再食埋最后嘅有机菜,鲜甜多汁。当然唔少得最后𠮶煲伟底,聚集了各海鲜精华,即使配料唔多但系都好好味,忍唔住吃了两碗呢!
张贴