瀛豐放題料理專門店 (已搬遷) 新店位置

睇到鱔稿，覺得價錢還可以，所以睇埋食評，點知食評先係鱔稿嘅主角，個個張相鬼火咁靚，有讚冇彈。去到先知，坐得好迫，我張枱仲要係原本張櫈冇左改左張摺櫈俾我……即時冇心機加百二蚊升級。啲食評相都唔係假嘅，但冷氣好凍。好彩，員工十分有禮。食物還好：魚生壽司冇問題，部份仲唔錯。不過，兩個人點四隻蝦好過份咩？次次點四隻，始終都係出兩隻仲要超耐先出到……。天婦羅炸粉好硬。燒物類，燒蝦好食，蝦新鮮，燒得剛剛好。泰式食物，咪就係泰式囉，泰式就係唔會有好好食又好難整得好難食囉，刁鑽野冇供應，所以，泰式料理咪就係泰式料理囉。唔係讚又唔係彈。有少少漏單。總結係：好難去第二次，除非三人坐四人枱吹水為主就可以。要我加錢升級應該唔得，唔係食物唔得，係坐位唔得，冷氣太凍。