鱈卵屋 (已結業)

明太鐵板芝吱雞鐵板上放着熱騰騰的雞塊和薯仔，配合融化的芝士，口感不錯，不過味道沒有預期中好。熱檸檬蜜糖水開頭侍應問我飲乜嘢，我只係想要杯暖水，我話比侍應知喉嚨唔係好舒服，唔飲得凍飲，點知佢好貼心咁樣建議我飲杯熱檸檬蜜糖水，我見佢咁關心客人於是就跟佢意思。杯嘢飲嚟到嘅時候我都覺得幾好飲，而且可以滋潤到喉嚨嘅不適，但係就甜左少少。三文魚拼油甘魚鱈卵碗黎到呢度梗係要食佢嘅招牌鱈卵碗啦，我本身就鍾意食三文魚同油甘魚，所以就揀咗一會正常份量嘅，其實份量都唔係好多，共三小碗，一個正常男士應該可以K.O.。餐牌上面介紹有時三個程序嘅食法，首先第一碗係乜嘢都唔落就咁食，我相信咁樣就識到啲魚嘅鮮味。第二部曲就係加入配料包括蔥、芝麻、Wasabi等等混入飯裏面一齊食。而最後一個食法就係放入熱湯撈勻一齊食。個人應為啲魚生切粒之後令鮮味減少，所以第一個食法並冇乜嘢特別，反而第二個食法加入左不同賠了之後口感同層次都提升了，而最後放埋湯之後感覺好滿足。整體而言都覺得幾特別，令我想起日本京都火車站食嘅茶碗漬。