釜之魂釜飯專門店 (淘大商場) (已結業)

今日去咗九龍灣出job，見到淘大入面有一間釜飯專門店，就拉埋同事放工一齊去食下。聽講呢度個鰻魚釜飯好出名，不過同事最鍾意就係食牛肉，於是佢就嗌咗汁燒牛肉釜。賣相都唔錯，牛肉粒都幾多，但肉味就唔夠濃。自從上次去完日本之後就對日本嘅鰻魚念念不忘，我就理所當然咁揀咗金魂鰻魚釜飯！金魂鰻魚釜飯都有分三種，而我就揀咗最貴嘅贅沢。鰻魚肉非常厚身，個鰻魚汁味道濃郁！而鰻魚亦都非常之香，睇下張相有幾多油就知道啦！另外佢仲有一條脆脆魚骨，幾得意！另一個重點係因為佢個器皿夠熱，大家記住食嘅時候要搞搞佢，你睇吓有飯焦架！我哋仲叫多咗個鰻魚串燒，不過鰻魚冇鰻魚汁真係差咁啲，食落比較淡口啲。最後嚟嘅係紅酒牛舌，我比較鍾意食一啲厚身啲嘅牛舌，尤其是呢啲煮到咁諗就更加好啦！佢非常之厚身，亦都好林，我超鍾意！