影片
更多
2018-09-23
43 浏览
今晚同媽媽去食日本菜，揀咗尖沙咀嘅花木日本料理。地鐵P出口直路一條，行到天文台道轉左就到，地點非常易搵，上到3樓一出就係，環境非常寬闊，好有日本風味！坐得非常舒服，但冷氣就有啲大，怕凍嘅朋友要帶件外套喔！落完order之後店員先送上前菜，係鮮炸嘅蟹仔！脆卜卜又香口，唔好睇佢細細隻，入面好多蟹膏！仲有薯仔沙律同鹹魚豆腐，賣相非常精緻！趁其他食物未到，我過去參觀一下師傅切魚生嗰邊先。嘩！D蟹仔超生猛！店員話係每日新鮮運到！旁邊仲有好多新鮮嘅魚，全部都有標明價錢同料理方式，客人一目了然～大蝦無花果伴生菜沙律 $128其實我估唔到個沙律係咁足料咁大盆！日本料理比我感覺都係好細碟，呢個分量十足！有五大隻蝦，煎香過而且有胡椒香！無花果我以為係新鮮生果，原來係無花果乾，但味道都唔錯，應該係無添加，無花果天然嘅甜度！入面仲有提子乾、平時少見嘅黃色番茄仔，味道酸酸甜甜好開胃！花木仲買人特選壽司10本 $398上枱之後店員就逐款介紹，但聽完我都係傻傻的分不清～淨係掛住食⋯不過大部份我都分到嘅，最正嘅係帆立貝，第二係三文魚、第四係中拖羅、赤身都好香、海膽又鮮甜，其實講真樣樣都好食！不過有啲魚就會比較彈牙，我
落完order之後店員先送上前菜，係鮮炸嘅蟹仔！脆卜卜又香口，唔好睇佢細細隻，入面好多蟹膏！仲有薯仔沙律同鹹魚豆腐，賣相非常精緻！
趁其他食物未到，我過去參觀一下師傅切魚生嗰邊先。嘩！D蟹仔超生猛！店員話係每日新鮮運到！
旁邊仲有好多新鮮嘅魚，全部都有標明價錢同料理方式，客人一目了然～
5 浏览
0 赞好
0 留言
大蝦無花果伴生菜沙律 $128
其實我估唔到個沙律係咁足料咁大盆！日本料理比我感覺都係好細碟，呢個分量十足！有五大隻蝦，煎香過而且有胡椒香！無花果我以為係新鮮生果，原來係無花果乾，但味道都唔錯，應該係無添加，無花果天然嘅甜度！入面仲有提子乾、平時少見嘅黃色番茄仔，味道酸酸甜甜好開胃！
3 浏览
0 赞好
0 留言
花木仲買人特選壽司10本 $398
上枱之後店員就逐款介紹，但聽完我都係傻傻的分不清～淨係掛住食⋯不過大部份我都分到嘅，最正嘅係帆立貝，第二係三文魚、第四係中拖羅、赤身都好香、海膽又鮮甜，其實講真樣樣都好食！不過有啲魚就會比較彈牙，我就鍾意食淋身嘅魚肉，但重點係新鮮！
11 浏览
0 赞好
0 留言
5 浏览
0 赞好
0 留言
黑松露鰻魚卷 $168
呢個真係必食推介！鰻魚係厚肉到不得了，上枱之後就淨係諗點解會咁抵食？$168呢個價錢可以食到啲咁出色嘅嘢真係好正！鰻魚肉有脂香加埋牛油果、青瓜，仲有黑松露香，呢個配搭真係無可挑剔！食落口感層次超豐富，鰻魚嫩滑帶油香，再加上creamy牛油果，一啖咬曬全部料先係極品！鰻魚控一定唔可以錯過！
3 浏览
0 赞好
0 留言
白鱔 $88
超愛鰻魚嘅我一次過點左兩串，好正好厚肉！係香港日本料理餐廳每次見到都會點，呢間可以列入我的最愛名單！肉厚又彈牙，入口帶油香，即使用左醬油燒都唔會過咸，有一串嘅皮燒得唔夠脆，口感偏煙韌，而另一串嘅皮就好香脆！味道一樣咁正嘅，好好食！
4 浏览
0 赞好
0 留言
蒲燒鰻魚 $238
鰻魚控忍唔住點多份蒲燒鰻魚，熱辣辣燒起嘅鰻魚好香喔！同黑松露鰻魚卷嘅鰻魚一樣咁厚肉，就係份量double同部位更肥美！呢個係熱嘅，鰻魚卷嗰個係凍嘅。入口嫩滑，脂香十足！皮係煙韌到好似食緊花膠咁，唔係講笑！
今晚全部菜式都非常滿意，尤其我呢個鰻魚控對呢間嘅鰻魚好滿足！佢哋整得最出色嘅地方係鰻魚燒得好嫩滑，入口依然好多肉汁，層皮無燒到黑蚊蚊，連平時點勸都唔食皮嘅媽媽，今次食曬啲皮！我就不嬲視鰻魚皮為寶，當然一塊都唔會放過！真係好推薦呢間日本料理，感覺性價比好高！平時呢個價錢買單我只係可以食到一個人嘅廚師發辦，今晚可以食到咁多款正嘢，超級滿足！媽媽問我下次佢生日可唔可以再帶佢黎，我話洗咩等生日！你鍾意嘅隨時都可以再黎😘
张贴
