鰻一炭燒鰻魚飯

营业中

休息中

因為去旺角中旅社換回鄉卡，所以試咗《鰻一》，我同阿sir都好鍾意食鰻魚，最鍾意食經濟實惠嘅《名代宇奈》，不過果度就無白鰻魚，所以嚟咗呢度試，可惜阿sir落錯單無叫到！🥢炸鰻魚骨 $28⭐️⭐️⭐️⭐️從未食過炸鰻魚骨，所以點都要試吓，魚骨炸得超級香脆可口，一啲都唔硬，加上紫菜鹽又唔會過咸，份量嚟講亦算多。🥢炭火蒲燒鰻魚飯 $128x2⭐️⭐️⭐️大size真係非常吸引，最起碼鰻魚份量相應加碼，先講白飯係好夠熱粒粒分明，鰻魚汁亦足夠，至於主角鰻魚，我評價係普普通通，一來鰻魚唔夠肥美厚身，二來鰻魚本身無乜魚味，入口唔會有＂嘩好好味呀＂咁囉，而炭燒味又唔算香，整體嚟講係無乜驚喜。二人共消費：$313