海街丼 (海光街) (已搬遷) 新店位置

成日聽同事講公司附近有間高質日本餐廳，今次就等我呢個魚生迷去睇下呢間海街丼係咪真係咁正啦！小食點左日式炸豆腐，外脆內軟外層炸到好香脆，但裡面既豆腐仲係滑到不得了！而且新鮮炸起熱辣辣真係好好味啊！呢間餐廳既menu選擇唔算太多，我就揀左同事大力推薦既特上海宝丼！一個魚生飯已經有哂各式各樣既靚料份量十足既海膽，新鮮甜蝦，真雪蟹，小扇貝，鰻魚，紅肉，章魚同白肉數到數唔哂！而呢到既魚生最勁既地方就係日本直送，唔經香港買手空運到港，所以靚料之餘又抵食，比起其他餐廳cp值高好多！另外值得一提既係呢到既魚生飯食法好特別：一丼三食！第一種食法係要加入芥末豉油食，最正宗既食法先食到魚生真正既鮮味！而第二種食法就係加埋自家製壽司醋啫喱落魚生飯，帶出飯既香味！壽司啫喱酸度適中，加強左口感，正！最後既食法就係加埋秘密武器-秘製魚湯，變成傳說中既茶漬飯啦！我自己就最鍾意呢種食法，香濃到不得了！而朋友唔食魚生，叫左滑蛋豬扒飯！估唔到連呢個豬扒飯都咁出色，豬扒多汁連埋滑蛋簡直絕配，個飯仲跟埋味噌湯，同事大叫好滿足！