海街丼 (海光街) (已搬遷) 新店位置

見到呢間魚生飯幾多好評，就一於又試一試，中午套餐偏貴，$90先食到魚生飯，仲另收加，靚料冇所謂，但食落嘅粒粒魚生都幾腥😂 價錢唔平，又唔係特別好食，真係唔會再去。🍴 海宝丼 上 $125 (6/10) 另收加一套餐有包一杯熱嘅綠茶或者烏龍茶，有麵豉湯，酸蘿蔔，同埋啫喱狀物體，個丼有吞拿魚，油甘魚，章魚，穴子，蛤蜊 ，小扇貝，真雪蟹，鮭魚子，青瓜。魚生飯係熱熱哋，有好大浸麻油味，冇咩醋味，用左日本珍珠米，口感都飽滿唔會太黏口，但比較似韓式飯卷嘅味道🤔啲魚生份量好少，飯就好多😂魚生食落唔太新鮮，就咁食有少少腥，特別係魚嘅粒粒🫠其他魚子，蟹肉係正正常常，麵豉湯得個鹹味，冇乜麵豉味，得幾塊仔海帶，麻麻哋。個啫喱狀物體係前菜嚟，勁酸，仲酸過檸檬，食咗一啖食唔到😅 綠茶係普通青茶嗰種，比較澀。推薦指數: 6/10得個賣相好靚，食落好一般，唔係好日式，無性價比可言，125仲要加一，真心貴但未值呢個價錢，唔特別推薦去食，但未到中伏。