Sage & Salt

营业中

休息中

Happy Friday收工梗係要約朋友去食好西！見公司附近有間泰式酒吧餐廳，有室內同埋戶外座位，環境有氣氛，充滿東南亞風情。3-8pm happy hour都有幾多cocktails選擇。Char Grilled Pork Neck Salad豬頸肉份量好多，燒到啱啱好，有啲炭燒香😍，肉質鮮嫩肥美，配埋新鮮爽脆嘅菜同埋酸辣汁，非常開胃！Chicken Tikka Kathi Roll雞肉用印度香料醃過，加埋青椒紅椒等配料好香，微辣好惹味！捲餅包住爽脆生菜，清新得黎中和左油膩感。薯條炸得好，外脆內軟～Sage & Salt Signature Steak五成熟肉眼入面顏色粉嫩，煎得啱啱好，而且用炭燒特別香！牛扒比較瘦，但唔鞋又唔乾身，肉味濃郁，仲配左少少四川花椒好特別😙。點埋阿根廷青醬食，甜甜辣辣，帶點草香，同牛扒好夾。Garlic Naan呢度仲有得揀印度薄餅～～一上枱已經聞到好香蒜蓉味，啱啱焗起熱辣辣，餅底同埋邊位烤到微微焦脆，中間每啖都充滿蒜香。