鯛魚魚湯專門店 (已結業)

係鰂魚涌返工個人覺得呢一間係最好食嘅餐廳其實之前都試過鯛魚湯底嘅烏冬，係手打烏冬，每一啖都配上魚湯都係一個唔錯嘅選擇。但今日叫咗汁燒雞扒定食$78冇+1服務費嗌定食係因為佢有個湯之餘仲有沙律同中華沙律，感覺係健康一點。同行同事叫咗個蒜片牛粒定食$105偷食咗佢一粒嘅牛肉，發覺原來一啲都唔老又香牛味，又煮得唔鞋，煮得啱啱好，難怪佢每一次只會只會係嗌呢一個，我仲奇怪佢千篇一律。原來佢係最識食我就貪心啲，每次都嚟食唔同嘅嘢。😁千祈唔好睇小碗湯，係真係好重魚嘅鮮味，每飲一啖都係先鮮甜到不勁回味。嗰種鮮甜一定唔係飲味精湯嗰種感覺其實$78來講，有呢種質素比到我，我就唔覺得呢一餐晏晝飯值同唔係貴。