蝦蝦燒

营业中

休息中

📍佐敦 蝦蝦燒📍想食燒海鮮，發現到呢間位於佐敦嘅蝦蝦燒，不得了，係即捉即食嘅鮮活蝦！而且睇相見到有好多款海鮮可以揀，二話不說就約咗朋友嚟食！一入到去，就見到好多海鮮俾人任揀，係放題式嘅自助燒烤！海鮮種類有好多，有沙白、貴妃蚌、魷魚、螺、鮑魚、帆立貝、蠔，仲有五款魚！有泥鯭、黃腳鱲、大眼雞、馬友，同埋䱽魚！淨係見到呢啲已經超級興奮想大叫！就座，店員好貼心已經幫你處理好十幾隻鮮蝦燒緊，不用自己捉同處理。另外仲有兩串鰻魚送俾你烤，好鮮甜！啲蝦真係不得了，有滿滿嘅蝦膏，加上燒烤嘅香味，大快朵頤，拍手叫好！好快就清哂啲蝦了！之後就開始燒啲海鮮，沙白好鮮甜，不過有少少沙；鮑魚要剪走個殼，如果唔係錯爆，好貼心。磯燒鮑魚，正。仲有帆立貝，處理得好乾淨，每人食咗六到隻，停唔到。仲可以加牛油、蒜蓉、粉絲，一流！今次嚟主攻海鮮，已經值回票價了！服務態度都好好，好主動幫你，仲會提你點燒，燒幾耐！一定會再嚟！