祥興記上海生煎包 (已結業)

等左好耐想喺香港食上海嗰種薄皮多汁嘅生煎包，而唔係真係一個包嘅生煎包，終於等到。食左幾次，鮮肉生煎包真係同上海嗰啲一樣，熱辣辣食好正。不過鮮蝦同黑松露生煎包就略為失望，試左兩次都唔太熱。生煎包要熱先好食，所以我都係堂食無外賣，舖頭有少量位置可以立食。後來望下可能呢兩款唔太多人食，佢地將個盤放左喺隔離無熱住，下次都係要睇下佢將個盤放喺邊先睇下食唔食呢兩隻款。