鮨文 (裝修中)

面書谷友大力推薦鮨文，又同愛美食嘅友人黎食下先。枱上餐具，店員好快就送上綠茶，我地就慢慢睇下餐牌先。午市定食都幾多款揀，我決定要幸福丼，友人則要了師傅發板set。先上前菜，温泉蛋沙律，有温泉蛋、水耕菜、柚子醋，搞伴吃，鮮甜又清新，唔錯唔錯。另一樣汁煮牛舌，煮得很入味淋甜，作為小食真的不錯。茶碗蒸有直菇，三葉一同蒸，散發著淡淡嘅香味。蛋很滑很嫩，時間蒸得剛好。北海道幸福丼，嘩，滿滿一碗呀～海膽呀海膽呀～引死人咩！好鮮甜，仲有厚肉爽口嘅帶子，甜甜嘅爆醬魚籽，我唔客氣啦！！食完飯，送上麵豉湯，我覺得呢個碗形狀好得意。好甜好香，同出面啲麵豉湯好唔同，師傅用有大量蝦頭去爻湯底，果然真材實料。最後送上一客柚子雪葩，清清甜甜，呢一餐劃上完美嘅句號。