九州鯛魚 (已結業)

太安樓的鯛魚湯專門店，朋友勁中意飲魚湯我就帶佢黎試一試。十和田牛肉飯定食 $98份量好多，有野菜沙律，溫泉蛋，薯仔沙律，主食同鯛魚湯，野菜沙律新鮮爽口，加左芝麻醬酸甜得黎好開胃，温泉蛋時間掌握得很好，好滑，牛肉份量多，好惹味，略有少少咸不過送飯就剛好，舖頭係用日本米，飯香軟熟。蟹棒鯛魚湯烏冬 $72白白嘅鯛魚湯令到人好想飲落去，好大碗，魚湯熱辣辣，好鮮甜，雖然係煎過嘅魚去熬湯但一點都唔油膩，飲得出係無添加味精，烏冬爽滑，吸哂湯汁好正，蟹棒鮮甜。