泰屋 (已結業)

朋友介紹先知道有呢間餐廳, 即管一試..book左位唔駛等, 一去到就有得坐低. 環境唔錯, 比起平時成日去九龍城果d舒服得多. 首先試左個冬蔭公, 好開胃, 唔算好辣. 侍應話呢個冬蔭公加左露荀, 但個味唔算好出, 反而d海鮮就幾新鮮. 再黎個蝦柚子沙律, 平平無奇. 不過份量十足, 適合大班人share. 泰式明爐蒸烏頭, 好味! 個上湯好入味, 可以一路食一路淋上面, 點魚個汁酸酸地咁, 同條魚好夾. 我認為最值得推介既一味餸, 24小時秘製蜜汁烤雞! 本身睇menu見佢係蜜汁燒雞以為無乜特別啦. 但係個侍應話極力推介, 咁就一於試下. serve既時候碟雞會跟埋2碟醬汁. 一隻係平時見開既泰式酸甜醬, 另一碟好似話係個chef自創既, 呢個真係堅好味!!! 個sauce好香胡椒味, 都幾辣下, 同隻雞係極match!! 同埋隻雞原來係醃完之後雪左24個鐘先serve, d肉一d都唔散, 雞有雞味haha.. 最後叫左個黃咖哩龍蝦, d咖哩一d都唔辣, 反而好清甜. 龍蝦係新鮮彈牙既, 而且都足料. 不過最正都係個蒜蓉包! 我地4個女仔食, 已經好飽, 但都忍唔住叫我最鐘意既ma