批&撻專門店

今日下午口痕就黎左pie and tart睇下有咩好野食，店員話紫薯撻同我最愛既鮮奶撻啱啱出爐，我就即刻買左個鮮奶撻食，一如既往冇令我失望，真係超級好食


細個既時候最中意就係放學買個鮮奶撻食，依家已經好耐冇食過，今日一食返，覺得自己應該會再上返癮！最開心係以前成日食係因為覺得佢好平好抵食，而依家咁多年，鮮奶撻都仲係咁平，真係好感動。


食完之後直接買左幾隻紫薯撻、幾隻芝士鮮奶撻同幾隻鮮奶撻比朋友食，個個都勁開心話原來已經好耐冇食過，pie and tart真係好多人既回憶，睇黎我今日之後又會開始返成日買黎食，希望佢地可以頂得住個疫情啦

鮮奶撻

$9