批&撻專門店

营业中

休息中

呢間店鋪既職員態度好差，佢地唔會主動問你要咩野食，之前有一次望左個職員兩眼，佢晦氣地講你要咩就講啦，另一次就係買野食時，玻璃櫃前已企滿人，我同店員講左買咩食，趁佢執緊既時候，我就行去左邊收銀機遠離人群，個店員將野食放係玻璃櫃上，我俾完錢佢叫我自己行番過去攞，佢只需郁一郁隻手遞俾我就得，呢d人真到懶到出汁。我會向佢公司投訴，同埋唔會再幫親。

呢間Pie & Tart常駐荃灣地體站，甘多年都屹立不倒。以前D咸批都好食，不過物價高漲，都不斷加價，同配料少左好多，之後就好少買來食。最近細佬買左芝士鮮奶撻翻來，熱辣辣仲係流心，非常好食！奶味濃，皮又脆！正，希望可以保持水準。

其實一星期都會過去兩次買個批返公司食， 但每次見個店員都係黑口黑面， 其實著得公司制服喺嗰到工作就代表住公司， 如果你係做得咁唔開心， 何必困住自己喺舖頭俾面色人哋睇呢。

很喜歡pie &tart 的食物，價錢很平民經過，都會聞到香噴噴，我最愛鮮奶撻很香，很滑，餅皮又很脆外，另外好喜歡他的蘑菇撻裡面有磨菇片,粟米粒,紅蘿蔔,冬菇足料 做早餐一流

今日晚上買左兩個批，一個咖哩雞批，一個蘑菇批，俾左兩個批價錢，最尾返到屋企先發現淨係俾左一個蘑菇批俾我，蝕咗錢。果陣得我一個買野都可以亂左😡😡，下次買野要吸取教訓，走之前要檢查清楚。

今晚太趕時間，所以喺荃灣港鐵站見到有 pie & tart，即刻衝左埋去望吓有咩食😙😙😙😙😙其實成日都會去買嚟食，咁多年加價嘅幅度都唔算話好大，有時口痕食一個都幾肚架，我最愛嘅當然繼續係美式螺絲肉汁批（$18）🤗🤗🤗面頭有薯蓉，然後食完薯蓉之後就會見到一大堆肉汁螺絲粉，雖然全部都係澱粉質，但呢個仍然係深得我心😍😍😍😍今晚有啲口痕，我買咗件切餅食，切餅就中規中矩，冇焗嘅批或者撻咁特別

我買緊野同時又有另一個買，店員搞到亂左，之後比錢個陣出錯左，店員比面色睇，唔太好🥵而野食方面拎走嘅，但冇蓋返到去已經凍L曬，要自己焗熱食😢 。pie 就未試過，但面類唔太建議

Pie and Tart 的牛乳奶凍撻有原味及朱古力味兩款選擇，大大個，每個$13。奶凍的牛乳香滑，甜度適中。曲奇撻不是鬆脆那種，而是結實但又不是乾硬的，口感很好，配搭牛乳奶凍，好好味😋

買完返到去凍哂tim不過我自己焗返熱食鮮奶撻咖喱牛肉批鮮奶撻基本上係必食咁多年味道都冇變過👍🏻咖喱牛肉批我第一次食咋個皮味道偏甜咖喱味正常但完全食唔到有牛肉😂

Pie&Tart專門店已經好耐無食佢啦，味道同以前一樣，仍然咁重鮮奶味，只係價錢變左😋😋👍價錢$9個人口味總評分：8/10地址：批&撻專門店荃灣港鐵荃灣站TSW11#蛋撻 #鮮奶撻 #pie&tart專門店 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

每次係地鐵站經過Pie & Tart都覺得好香，所以間唔中都會買幾個返屋企食，款式有好多，招牌鮮奶撻、芝士撻、紫薯撻、雞批等等，性價比好高，一個都唔洗$10🤣.芝士鮮奶撻 $9之前一直都係食開鮮奶撻，非常好賣既產品，今次見芝士鮮奶撻岩岩焗好，熱辣辣就買返四個黎食，返到屋企攞上手仲係熱，撻上灑上大量芝士粉，好香濃芝士味🥰批皮好香牛油味，好鬆脆，中間鮮奶半溶狀，用匙羹食好方便，又滑又香，味道一流，十分推薦👍🏻

今日去探朋友仔班所以就買左幾個鮮奶撻俾朋友做下午茶（朋友仔要求既）我自己就真係好耐冇食過pie and tart😝以前細個都會買個鮮奶撻做下午茶因為落車一出地鐵站就聞到佢好香忍唔住就會買番個讀書有排儲錢 想慳番啲錢都會買個撻黎做午餐以前最愛係 螺絲批 貪佢入面仲有螺絲粉 飽肚啲🤣🤣之後就係雞批 但食得多 後尾就有啲怕左但今日時隔多時再食 鮮奶撻仲係一如以往咁鮮奶滑滑撻皮又香我相信 應該冇左陰影喇Pie and tart 可以上番下午茶 ‘飛佛’list👍🏻

今日下午口痕就黎左pie and tart睇下有咩好野食，店員話紫薯撻同我最愛既鮮奶撻啱啱出爐，我就即刻買左個鮮奶撻食，一如既往冇令我失望，真係超級好食細個既時候最中意就係放學買個鮮奶撻食，依家已經好耐冇食過，今日一食返，覺得自己應該會再上返癮！最開心係以前成日食係因為覺得佢好平好抵食，而依家咁多年，鮮奶撻都仲係咁平，真係好感動。食完之後直接買左幾隻紫薯撻、幾隻芝士鮮奶撻同幾隻鮮奶撻比朋友食，個個都勁開心話原來已經好耐冇食過，pie and tart真係好多人既回憶，睇黎我今日之後又會開始返成日買黎食，希望佢地可以頂得住個疫情啦

家人快將生日，又係時候選擇蛋糕了！今天經過荃灣的Pie & Tart，所以前往看看，有沒有心儀的款式，因為過往家人都會選擇大型連鎖西餅店的蛋糕，沒有新意，所以今次經過就心思思看看有什麼好選擇。去到看廚櫃的蛋糕時，店員很主動幫忙及推介，我就說了給她們知有關我的情況，所以，他們就給我全份蛋糕餐單讓我看看及選擇，並讓我拍照以供參考。所以，現在我把這照片讓公諸同好，讓大家可以多一個買蛋糕的選擇呢！～　店舖環境:

前日(23-9-2020 Wed),老公放工後喺喥買個生日蛋糕返嚟, 佢話呢間冇細細個,但大嘅都係 $148.00,所以照買.呢個係佈滿士多啤梨嘅蛋糕,切開睇,一樣有好多士多啤梨,蛋糕變咗比例唔多,食落士多啤梨唔太甜,蛋糕口感鬆軟,忌廉亦滑,屬基本級級數.上次食評係喺上年5月13日刊登嘅呢篇: https://www.openrice.com/zh/hongkong/review/%E5%8F%AA%E4%BF%82%E9%A1%8F%E8%89%B2%E9%9D%9A-e3402294