金鶴拉麵 (蜆殼街)

营业中

休息中

平日收工約左朋友黎到位於天后蜆殼街既金鶴拉麵食晚餐，餐廳環境充滿日式風格，彷彿喺日本拉麵店食緊拉麵咁。不過除咗堂食，都有得外賣，可以喺屋企舒舒服服咁食。拉麵湯底有多款選擇，限定嘅極濃龍蝦湯拉麵望落勁吸引加入會員仲送100分積分，可以即時換一罐可樂極濃龍蝦湯拉麵一上枱已經聞到陣陣嘅龍蝦味，湯底濃厚，好足料，重龍蝦味。拉麵質感煙靭，軟硬同粗幼適中，掛湯，索埋啲湯汁，食落更鮮甜。豚肉叉燒薄薄一大塊，偏瘦，肉質軟淋，入味。香辣豚骨湯拉麵賣相同湯底色澤吸引，濃稠到啱啱好，食到味噌既鹹香味，辣度恰到好處，幾惹味。除咗有一塊豚肉叉燒，雞肉叉燒有兩塊，比起豚肉叉燒較為厚身，色澤雪白，口感幾滑，食到雞嘅鮮味。日式餃子餃子一共有四隻，皮夠煙韌，煎得夠香脆，野菜爽甜，食落有肉汁，唔錯。