莆田 (美麗華廣場2期) (已結業)

朋友成日話想食莆田，皆因米芝蓮一星。而呢日終於約到。中菜通常份量多，所以唔敢嗌咁多。前菜送左碟炒紫菜。由門口到menu，極多宣傳蟶子，似乎非嗌不可。於是首推兩款蟶子，即鹽焗蟶子同酒糟蟶子，都嗌晒嚟食。酒糟蟶子真係不得了。蟶子浸過酒，酒味芳香。靚酒唔會苦澀，反令鮮嫩既蟶子更鮮甜多汁 😋而鹽焗蟶子係另一種滋味食法。蟶子焗成鮮咸甘香，味道濃郁，似新年食既蠔屎淡味版，而且仲無咁乾。入得米芝蓮一星餐廳，梗係要嗌推介名菜，唔通包拗頸咩。😂 成日晌網上廣告見到莆田推介條黃花，睇落好肥美，於是嗌嚟食下。以鍋形式上菜，細細條擺好姿勢，好有動態感，但果樣好兇猛，真係好好笑 😂 不過無論個樣有幾兇猛，而今都係晌鍋上等比我食落肚，呵呵。個frd好醒目，叫我試啖湯先。一飲之後 🤩 極鮮甜，帶少許薑辛而不辣，好味到難以形容。而魚既肉質滑嫩甜美，零腥味。雖然幼骨好多，食既時候要小小心，但仍然非常滋味。齋食海鮮點會飽，所以要多個炒興化米粉。有鮮蝦兩隻，爽口彈牙鮮味。而興化米粉極之幼，幼如麵線。最厲害之處係炒得乾身又味道均勻，咸度適中，加上芹菜更香，好好食 😋可惜今次得兩個人嚟食，好快就飽左。我見隔離枱一班女人嗌左糖醋