鯛魚魚湯專門店 (已結業)

太多假期累积咗，趁住今日唔太忙，香港九龙就围去。夜晚我就过咗鲗鱼涌等埋女朋友收工，顺便试下依间一直都好想去试嘅鲷鱼鱼汤专门店。店舖门口同装修风格都系日式风格，环境都几舒适。我哋各自点咗两个主食，分别系鲷鱼片鱼汤汤饭、同埋吉列猪扒定食。鲷鱼片鱼汤汤饭会喺你面前点著一个微弱嘅火暖住个汤饭。其实个汤饭本身已经煮熟晒，所以唔使等佢滚起先食嫁，因为个火力都唔足以煲返滚个汤饭。讲返个鲷鱼片鱼汤汤饭，鲷鱼味鲜甜香浓，除咗鲷鱼味，仲有一阵淡淡嘅木鱼香味，非常之好味。而鲷鱼片亦都有成十块八块，块块都起哂骨、淡淡肉。吉列猪扒定食、跟一份前菜、汤同白饭。汤可以选择鲷鱼浓汤、或者味增汤。咁嚟得依度食嘢，我就唔觉得有咩理由唔要鲷鱼浓汤喇。鲷鱼浓汤味道果然香浓鲜甜。唔知系咪有错觉，感觉同汤饭有轻微差别，依碗鲷鱼浓汤嘅味、比汤饭嘅鲷鱼汤更鲜味。虽然话依度系鲷鱼鱼汤专门店，但吉列猪扒一啲都唔逊色，猪扒够软熟、炸少粉厚度算系适中，亦唔觉过干过硬。听讲九龙城开咗分店，下次过九龙城再食先。