影片
更多
2019-06-14
197 浏览
知道灣仔開咗間新既OMAKASE，當然第一時間去試吓，果然無我令我失望-前菜絕對係精緻又美味既一set前菜，配有花瓣同葉子陪襯，首先食一食蕃茄清一清味蕾，然後到豆味香濃而質地滑身嘅湯頁（豆腐皮），永遠唔會叫人失望嘅北海道豆腐，最後係爽口既黑倍貝-自家醃製柚子蘿蔔雖然係配角，但不得不說真係整得好好味，酸味非常溫和，一d都不嗆，帶有微微的甜味，又非常refreshing-北海道真壕鮮甜又爽口，非常大隻，一啖放入口，極度滿足-金時鯛配酸汁鯛魚係魚中之王，而金時鯛就係極品中的極品，肉質爽而幼嫩，彈牙又無根，鮮甜味又有魚味-赤貝口感爽脆中帶柔軟幼嫩， 海水味以及鮮甜味濃郁，呢道非常新鮮既赤貝刺身令人再三回味-粒貝肉質纖細幼嫩帶咬口，味道爽口清甜，帶有淡淡海水味-白蝦酒盜係好特別嘅配搭，以酒盜既濃襯托白蝦的淡，一放入口中，兩者起咗化學作用，鮮味滿溢，令人驚喜-燒帶子以紫菜包住半生熟既燒帶子，配上鮮甜嘅海膽，其鮮甜好味嘅程度，應該唔需要多作介紹啦-野生平政魚平政魚其實係鱆紅魚既一種，算係香港比較罕見嘅刺身，味道有d似平時食開嘅油甘魚，魚油份不重，肉質帶彈性，口感清爽，魚味適中-煮鮑魚煮到啱啱好，唔會
-
前菜
絕對係精緻又美味既一set前菜，配有花瓣同葉子陪襯，首先食一食蕃茄清一清味蕾，然後到豆味香濃而質地滑身嘅湯頁（豆腐皮），永遠唔會叫人失望嘅北海道豆腐，最後係爽口既黑倍貝
-
自家醃製柚子蘿蔔
雖然係配角，但不得不說真係整得好好味，酸味非常溫和，一d都不嗆，帶有微微的甜味，又非常refreshing-
北海道真壕
鮮甜又爽口，非常大隻，一啖放入口，極度滿足-
金時鯛配酸汁
鯛魚係魚中之王，而金時鯛就係極品中的極品，肉質爽而幼嫩，彈牙又無根，鮮甜味又有魚味-
赤貝
口感爽脆中帶柔軟幼嫩， 海水味以及鮮甜味濃郁，呢道非常新鮮既赤貝刺身令人再三回味-
粒貝
肉質纖細幼嫩帶咬口，味道爽口清甜，帶有淡淡海水味-
白蝦酒盜
係好特別嘅配搭，以酒盜既濃襯托白蝦的淡，一放入口中，兩者起咗化學作用，鮮味滿溢，令人驚喜-
燒帶子
以紫菜包住半生熟既燒帶子，配上鮮甜嘅海膽，其鮮甜好味嘅程度，應該唔需要多作介紹啦-
野生平政魚
平政魚其實係鱆紅魚既一種，算係香港比較罕見嘅刺身，味道有d似平時食開嘅油甘魚，魚油份不重，肉質帶彈性，口感清爽，魚味適中-
煮鮑魚
煮到啱啱好，唔會覺得韌，口感非常好，一放入口，洶湧而上係濃郁既鮑魚鮮味，最特別係有肝-
鯖魚白子
白子即係魚嘅精巢，非常罕有架，今次唔係我第一次食白子，但就係第一次食燒過嘅白子，炙燒過後有微微嘅焦香，質感似好多層嘅腐竹，味道比平時濃郁鮮甜但又唔會腥-
春薑
爽甜得黎唔會辣，醃得好好
-
石鯛壽司
石鯛有「夢幻之魚」既稱號，肉質細緻鮮嫩，口感細膩，油脂豐美，配上赤醋米，絕對係一絕
-
白飯魚壽司
喺香港算係比較少見嘅壽司，又滑又鮮甜
-
真鯖魚壽司
真鯖魚係手吊架，同平時既鯖魚非常唔一樣，唔會有平時鯖魚既腥味-
安康魚肝
有海中鵝肝之稱的安康魚肝一向都係我嘅至愛，綿密香醇又馥郁，入口即化，配上醬汁，滿口香濃
-
瑩光尤魚
同出面嘅唔同，呢到嘅魷魚係新鮮而唔係雪藏魷魚，所以竟然有膏，真係第一次見！咀嚼時陣陣鮮味，配上醬汁同蔥花，好好味
-
賴尿蝦壽司
肉質肥美，重點係竟然有蝦膏，食完好滿足
-
赤身壽司
拖羅既美味程度絕對係毋容置疑，由淡至濃味咁食，首先由赤身壽司開始。來自吞拿魚背既赤身脂肪量少，口感比較鮮嫩結實
-
中拖羅壽司
中拖羅屬於魚腩中部至尾位，口感豐腴得黎又唔會油膩到好濟
-
大拖羅壽司
矜貴既大拖羅位於魚頸至魚身中間位置，係成條魚最肥美既部分，肉質油潤、肥美無筋，滿口油脂嘅感覺好幸福！
-
北海道海膽壽司
北海道海膽肥厚味濃，鮮甜柔滑，有如充滿海洋鮮味既奶油，入口即溶，
-
蜆湯
食完咁多生冷野，師傅好窩心咁為我地準備左暖粒粒嘅蜆湯，蜆既天然鮮味配上蔥花，鮮甜清爽，好暖胃好舒服
-
芝麻雪糕
一餐完美嘅晚飯當然要以甜品作結，呢杯黑芝麻雪糕軟滑又香甜，芝麻味濃郁
张贴
