蝦蝦燒

营业中

休息中

最近都幾hit 既一間餐廳，平日晚黎食都幾乎坐無虛席，比得上集團性放題！呢到既主題係蝦蝦燒，一入去就會起一堆蝦係個爐到！如果唔夠皮，仲有得玩住咁燒，就係自己係水缸到揀蝦，放佢落冰水再燒！有時會有小意外比隻郁緊既蝦嚇親或者彈到隔離位都有水，哈哈呢個就係娛樂！論質素，呢到既蝦都幾多膏同籽，幾特別！蝦蝦燒就唔只食蝦，仲有好多海鮮去揀，有例如馬友既四種魚，有扇貝、鮑魚、蚌、大蜆沙白蜆、帶子、螺等等既即開即洗海鮮！因為真係鮮味同有海水鹹味，建議就咁燒黎食唔加調味已經ok!另外，呢度仲有好多好味既食材，鍾意肉嘅朋友推介叉燒、牛仔骨、雞翼，另外燒蒜蓉包、燒菠蘿都係一d好refresh 同好味之選！熟食方面，都有幾多別出心裁嘅食物，例如辣酒煮花螺、西蘭花炒蝦、仲可以自己煮番個麵配海鮮食，正呀！最後要特別講一講呢度嘅雪糕，主要分為阿波羅嘅牌子，同韓國牌子，港式嘅雪糕味道多，有芒果香芋朱古力，韓國雪糕就偏係咖啡奶茶味，兩種我都覺得好好食！燒咁多野配上甜品真係一絕。另外簡單講吓飲品，呢度除咗燒嘢食必備嘅茶之外，比較特別嘅係仲有酒提供！