鮨真 (已結業)

廚師發辦 從來都係一場表演 睇住廚師一樣一樣咁為你預備 幫你由頭盤諗到甜品 唔會有一點違和感鮨真 都係一樣 或者更勝一籌 近距離咁望住廚師發辦 一碟一碟咁上 先上頭盤 冰菜 好新鮮 再少少芝麻醬食落好脆 作為頭盤 好開胃😀冰鯛 原來係真心有冰😱冰鹽板上面有小小柚子皮 將原本味道比較淡既魚味提升不少擺盤好有心思 連配菜都擺得好好靖魚一直都係我的最愛 加埋紫蘇葉原來可以咁夾😀拖羅 係Omakase 必有既魚生見到咁靚已經覺得好肥美了食落當然冇失望 魚油一下滲入口😍即燒金目鯛 用火槍輕輕燒少少塊皮外脆內軟 陣魚油味加埋 香脆味道好夾😊螺片都係一樣 非常新鮮 亦非常彈牙 正😍最後有魚湯 不得了 好鮮甜我懷疑係將所有魚骨都拎落去煲 煲到個湯好甜😚😚蓮藕蝦餅 呢個好有驚喜 第一 出面好少食到 聽到已經覺得好特別第二 個蝦餅好彈牙 食落去鹹鹹地食到d蝦肉好鮮好彈牙😀廚房發辦不能沒有的甜品一定係哈蜜瓜 好甜 好滿足既結尾