影片
更多
2016-09-09
1481 浏览
元朗，對於好似我呢d九龍人嚟講，真係可以用陌生去形容，除左知道要坐好耐車先去到，其他野真係唔太清楚。印象中幾次入元朗食野，感覺都係"友達以上 ，戀人未滿"。食既餐廳係唔錯，但就無刻骨銘心既感覺。其實一路都知道元朗有一間上左神枱既餐廳，好多元朗人都識，可惜入元朗既次數少得可憐，唔通真係要等到2046先食到？"機會嚟啦飛雲!"唔近地鐵既一間餐廳，餐廳外觀充滿神秘感，雖然係日式風格，但真係唔知裡面咩葫蘆賣咩藥。裡面地方唔大，坐位唔多，唔book位真係恕不招待。餐牌好簡單，廚房發辦。先嚟一個前菜蟹肉柚子蒸蛋，看似普通既蒸蛋裡面真係1d都唔普通。打開蓋先會見到金光閃閃既金薄，即時令蒸蛋升level。再加上蒸蛋裡面有柚子同埋蟹肉，諗到以柚子既味道撞蒸蛋再加上金薄，令食蒸蛋既時候驚喜十足。食刺身之前叫左枝日本酒。其實平時食飯間唔中都會叫下日本酒，但今次特別在佢既斟酒方法。將酒倒入一個好似漏斗即裝置，再用下面既盒載住酒，然後倒入酒杯。刺身只有三種，但全部都好吸引，秋刀魚中拖羅，清酒煮鮑魚，三樣食法各有不同。秋刀魚由於本身魚味重，所以稍加柚子汁已經味道出眾。中拖羅可以配番壽司豉油，本分肉同脂肪比例好好，
印象中幾次入元朗食野，感覺都係"友達以上 ，戀人未滿"。食既餐廳係唔錯，但就無刻骨銘心既感覺。
其實一路都知道元朗有一間上左神枱既餐廳，好多元朗人都識，可惜入元朗既次數少得可憐，唔通真係要等到2046先食到？
"機會嚟啦飛雲!"
唔近地鐵既一間餐廳，餐廳外觀充滿神秘感，雖然係日式風格，但真係唔知裡面咩葫蘆賣咩藥。裡面地方唔大，坐位唔多，唔book位真係恕不招待。
餐牌好簡單，廚房發辦。
先嚟一個前菜蟹肉柚子蒸蛋，看似普通既蒸蛋裡面真係1d都唔普通。打開蓋先會見到金光閃閃既金薄，即時令蒸蛋升level。再加上蒸蛋裡面有柚子同埋蟹肉，諗到以柚子既味道撞蒸蛋再加上金薄，令食蒸蛋既時候驚喜十足。
食刺身之前叫左枝日本酒。其實平時食飯間唔中都會叫下日本酒，但今次特別在佢既斟酒方法。將酒倒入一個好似漏斗即裝置，再用下面既盒載住酒，然後倒入酒杯。
刺身只有三種，但全部都好吸引，秋刀魚中拖羅，清酒煮鮑魚，三樣食法各有不同。
秋刀魚由於本身魚味重，所以稍加柚子汁已經味道出眾。
中拖羅可以配番壽司豉油，本分肉同脂肪比例好好，食落口感豐富，又有魚香。
清酒煮鮑魚食法最特別，因為呢度配左個以鮑魚膽整成既醬，鮑魚除左爽口之外，配上呢個醬亦令鮑魚味道更加突出。平時食鮑魚多數都唔會配醬汁，咁樣食法都係第一次，耳目一新又出奇地夾。
最後會以呢個鮑魚醬撈飯，形成第二種食法。撈過鮑魚醬之後，整個飯變成好似意大利飯既質感，望落好似好少既飯，食落十分之溜。
壽司有五件，貴精不貴多 。每一件都好新鮮。有石門貝，點紋牡丹蝦，中拖羅，醋鯖魚，油甘魚。石門貝仲活生生識郁，用筷子掂佢會有反應 。
點紋牡丹蝦壽司既牡丹蝦多肉又爽口。
中拖羅壽司雖然無中拖羅刺身咁澎湃既感覺，但食落絕對不比中拖羅刺身遜色。
醋鯖魚壽司師傅細心咁配上昆布，緩減鯖魚既腥味，食既時候令醋鯖魚既魚味得以平衡。
另外仲有油甘魚壽司。
三文魚籽軍艦一句講晒 - 彈力驚人 ，未食過咁彈牙既三文魚籽，你試下拎一粒三文魚籽係枱面彈，你會發現真係彈得起。
海膽軍艦相信望住相都會感受到佢既鮮味，而且毫不吝嗇，滿滿既海膽，食佢除左用幸福滿瀉嚟形容，真係諗唔到更加貼切既形容。
深海池魚壽司食到佢都算好彩，因為已經過左當造季節，但一樣新鮮，一樣爽口。
天婦羅帶子就咁睇你未必一下子就估到佢係炸天婦羅帶子。大大粒既炸帶子，一口都食唔晒。入口外脆內軟，啖啖肉，炸粉亦唔過火，同時紫菜又係脆脆脆。
白身魚手卷，望住佢我第一個關注既並唔係手卷裡面既係咩，而係包住手卷既紫菜究竟係咪脆，因為對於咁大條既手卷，如果紫菜淋左，一定先扣50分。果然無令我失望，紫菜脆口，白魚味道都能夠突出，無比紫菜味蓋過。
金目鯛魚湯
最後食埋佢既甜品 - 靜岡密瓜，又係一個季節性既甜品，又係一個特別既食法。店員會以一枝噴霧，將白蘭地噴上哈蜜瓜。店員解釋呢個食法可以令到哈蜜瓜既味道更突出，而且食落都唔係好覺有白蘭地味。所謂聞名不如見面，今日係鮨文的國度，實在令我大開眼界。
原來元朗呢個地方真係臥虎藏龍，抵你上神枱！
张贴
