田記魚蛋牛腩專門店 (碧街)

营业中

休息中

今日去開油麻地，一出地鐵站就見到田記魚蛋牛腩專門店，見肚餓就入去試下。成日好驚嗌魚蛋河因為驚d魚蛋鯹，但見佢話明係魚蛋專門店於是決定一試。唔想剩食魚蛋咁寡，於是叫左魚三河。魚三河有三款魚類製品：魚皮餃、魚蛋同埋魚片頭，一次過滿足我三個願望呀！估唔到魚蛋同埋魚片頭一d都唔鯹之餘，食落重好彈牙！河粉份量都幾多，好滑。有芫茜、蔥同炸蒜，混入湯中，令個湯好香口。除左河粉原來重有烏冬！好少見粉麵舖有烏冬食。叫左鳳城水餃烏冬。烏冬口感煙韌。水餃大大隻，入面d木耳好爽口。最後叫一碟菜心，清清地夠健康。