影片
开饭介绍
主打手打鱼蛋、崩沙腩的港式粉面店，于香港自设工场制作新鲜鱼蛋，标榜百分百鱼肉及无添加防腐剂。崩沙腩则为牛腩中最矜贵的部位，牛味浓郁。
继续阅读
营业时间
今日营业
07:00 - 00:00
星期一至日
07:00 - 00:00
以上资料只供参考，请与餐厅确认详情
呢日行经依间专食牛腩同鱼蛋粉面既田记，用上优质食材制成，喜欢鱼蛋牛腩既我，就要去品尝一下啦 ~店内主打手打鱼蛋同牛腩，在香港有自设厂房生产及制造，真材实料，无添加防腐剂，食得安全又放心。餐牌上都有几多选择，牛魔王、金牌牛腩、牛三宝、招牌鱼蛋、秘制牛杂等等，亦有牛既其他部位可以拣，款式特别。金牌牛腩面 $46牛腩口感真是与别不同，果然不错。牛腩软腍唔韧亦有少少咬口，烟韧弹牙，肉质肥瘦适中，食起嚟好嫩滑多汁，面条入口滑嘟嘟，吸咗浓郁既汤汁，好味道。净鱼三宝 $44净鱼三宝有鱼蛋、鱼片头同埋鱼皮饺，手打鱼蛋肉质嫩滑，食落弹牙爽口，鱼片头炸至金黄香口，鱼肉味浓，鱼皮饺馅料多，带出咸香味，配搭上汤好清甜，依碗有齐3样都好滋味。鲜虾云吞幼面 $39云吞都好大粒，虾肉爽口，与猪肉混合，肉质口感弹牙又丰满，肉既味道即时散发出来，汤底明显系用大地鱼煲，清甜好饮，幼面煮得唔会过淋，食落好爽口。冻柠檬茶 (+$8)经典港式饮品，浓郁既红茶配新鲜柠檬，少少甜，口感清爽解腻。可乐 (+$8)天时暑热，叫罐可乐，冰冰凉凉，即时解渴。
继续阅读
田记鱼蛋牛腩专门店呢间「田记鱼蛋牛腩专门店」已经系我第四次回访，经开油麻地一定会谂起佢哋崩纱腩，暂时我觉得佢哋嘅崩纱腩系最好食，肥瘦均匀唔会痴牙，经过油麻地嘅你一定要试下啦！「田记」门口系有一级，轮椅人士如果要入去食记得要带斜板，同埋店员已经食到记得我，每次都系安排四人圆枱比我哋坐，真系好细心！1.双丸河粉$44+冻柠茶$8（9/10）呢碗双丸河粉入面有3粒鱼蛋同3粒牛丸，鱼蛋好弹牙，牛丸除咗弹牙之外，仲有牛味算浓，再加$8叫咗杯入面有3片柠檬嘅冻柠茶，下午茶简简单单食一餐！2.崩沙牛腩幼面$62+冻鸳鸯$8（10/10）呢碗崩沙牛腩河粉份量好多，好似多过以前，崩沙牛腩有8旧，白萝卜有3旧，幼面有少少碱水味，崩沙牛腩好软淋，肥瘦均匀唔会痴牙，再拣埋一杯加$8冻鸳鸯，咁就完美！3.炸鱼皮$26（9/10）呢个炸鱼皮用密实袋装住炸鱼皮，咁样卫生好多，炸鱼皮炸得好酥脆，食落好香，今次咸咗少少，份量好多，大块咗，好正！2人总共价钱$148个人口味总评分：9.33/10@mr.tin_hk 地址：油麻地碧街45号地下C1号舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#田记鱼蛋牛腩专门店 #油麻地好去处 #油麻地 #油麻地美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
今次带大家返璞归真，食间地道港式粉面茶记，由老师傅主理，将最传统嘅港味完美重现～ 想食返细个𠮶种纯粹嘅好味道？快啲去呢间坚守传统嘅茶记，食碗热辣辣嘅崩沙腩面啦！ 🔥🍜【崩沙牛腩幼面】崩沙腩肥瘦匀称，筋膜位爽滑弹牙，慢煮入味到连纤维都渗满牛骨香！幼面用传统方法掣，挂汤力一流～ 汤底每日用牛筒骨+大地鱼熬制而成，饮完成个口腔回荡住阵甜香！✨🍚【牛三宝饭】► 坑腩松化唔黐牙► 牛肚卤到软糯带嚼劲► 牛筋晶莹剔透，胶质多到黏嘴唇！淋上秘制柱侯酱汁，捞饭神器无误～ 附送紫菜汤，抵食到震！💥🥣【紫菜汤】唔系间间有得饮！紫菜滚汤，简单却鲜味爆灯，传统潮州食法，老饕先识叫～🍹【冻菜蜜】🍊【冻柚子蜜】☀️冻菜蜜咸甜交织嘅古早味，化痰润喉，年代智慧饮品！❄️冻柚子蜜清新解腻，柚子肉香浓有润喉。田记鱼蛋牛腩专门店 (油麻地)油麻地碧街45号地下C1号舖
继续阅读
呢几日一直落暴雨，今日天气终于转好喇，即刻出去觅食一下🤫😆呢间崩沙牛腩店系我嘅最爱，份量足之余，牛腩河粉配埋白萝卜，完美吸收咗汤汁，而且崩沙牛腩唔会过老，肥瘦比例啱啱好三七比，食落去唔会有油腻嘅感觉！佢个汤底亦好鲜甜，食完都唔会有口渴嘅感觉🤤再配埋佢嘅秘制潮州辣椒油，绝对系将整碗河粉升华到另一个层次。辣椒油辣中带香，后劲十足😂🤣
继续阅读
【📍油麻地｜闹市中足料粉面店】🐨牛腩牛筋河 $66推荐度：⭐️⭐️⭐️⭐️今次拣咗佢哋嘅驰名牛腩加牛筋河，牛腩肥瘦适中唔会太嚡煮得好腍身！！牛腩果然系佢哋嘅招牌味道，如果可以试埋佢哋嘅崩沙腩，相信牛味会更加浓郁！！牛筋就保持到咬口，而且煮到好入味～河粉仲吸收晒牛腩汁嘅精华滑捋捋，绝对系小编食粉面店嘅首选🤣.🐨腐乳通菜 $18推荐度：⭐️⭐️⭐️⭐️新鲜通菜口感爽脆，唔会煮到过熟而变腍，而且份量非常多～由于腐乳系后加，可以因应自己喜好自由调配！！腐乳的咸香配以通菜嘅清新，两款口味相得益彰互相配合，两个人share食就啱啱好啦🔅.🐨夏日咸柠七 跟餐$10推荐度：⭐️⭐️⭐️⭐️⭐️咸柠七绝对系香港地道好味道，而家唔系好多间餐厅有得卖，用腌过嘅咸柠檬，加入冰凉透心嘅七喜汽水 ，咸甜交替，满满透心凉嘅感觉，成为夏日消暑解渴良品🌀🌀——☼——☼——☼——☼——☼——田记鱼蛋牛腩专门店 📍地址：油麻地碧街45号地下C1号舖🐨推荐度：😋😋😋😋/5 🪸环境：👾👾👾👾🗣️服务：👍🏻👍🏻👍🏻👍🏻👍🏻📸食物打卡度：💡💡💡💡🛠️分类：#HTB油麻地 #HTB港式.#油麻地 #油麻地美食 #港式 #港式美食 #粉面 #夏日 #美食推介
继续阅读