千賀日本料理 (已結業)

是日到左北角搵食，一時唔知食咩，就行左去和富道，發現新開左間日本餐廳，見佢無咩人，又夠企理，咪試下囉。一行五人，咁首先就試左魚生，同壽司先，嘩！好驚喜，三文魚真係有魚味架，油甘魚仲鮮味到要encore，就連活赤貝都要一人一隻。不過由於叫左海膽手卷，而佢又同時上菜，當食完刺身之後，手卷紫菜已淋晒唔好口感lu。如果分開上會好啲囉。之後叫左燒蠔、燒牛利，頂呱呱，一定要必試，驚喜度滿分。之後炒飯，天婦羅都不過不失，最後要比全晚最高分嘅係個洗手間。是晚每人$200（沒有飲料）