Cafe Whale

营业中

休息中

呢一個價值$68的魚湯烏冬真係不得了，CP值同性價比都非常高，聽講每日限量10碗左右，點解我會知？因為我叫咗最後一碗，之後有客人黎想叫，侍應姐姐話已經賣晒而且每日得10碗，Lucky!!一份魚湯烏冬仲包一份小食，可以揀麻辣魚扣或者話梅漬番茄仔，我揀咗麻辣魚扣，其實又唔算好辣，食落去有D似豬耳，煙煙韌韌都幾爽口。佢個烏冬都幾滑，當然最正係個魚湯，好鮮味，應該要用大量新鮮魚先煲到呢個雪白嘅魚湯，我全碗飲晒，好滿足。除咗烏冬之外，佢仲有魚蛋同魚片頭，都幾爽口彈牙。$68仲送汽水，物超所值。