巴蜀烤全魚 (已搬遷) 新店位置

成日心郁郁想食烤魚，大陸就周圍都有一間，但係香港真係唔多見，去開紅磡黃埔個邊聽過有間食烤魚既餐廳，咁就揀好個餐食咩啦。話明巴蜀烤全魚，唔食哂成條魚都對唔住自己啦。朋友完全唔食得辣，所以只係揀左酸菜味，魚類方面聽店員推介叫左海鱸全魚，少骨啲又滑。店員將成盤烤魚擺上檔，好壯觀。上面有好多香蔥，夾埋酸菜同魚肉食非常夾。佢反而鹹鮮味突出，魚肉吸哂湯汁既精華，肉質鮮嫩。烤全魚分量岩岩好，兩個人食食得夠盡興。由於佢上菜個時，下面keep 住有火去make sure 條魚唔會凍哂，慢慢食都唔會有種凍左之後既魚腥味。可能佢一直都好滾既關係，連辣都冇食，我都一路食都一路出汗😃😃野飲方面，見到佢餐廳推介個支裝桂花酸梅湯，比起自家煲個啲較甜，桂花清香得黎唔會搶左酸梅湯本身既梅味。