影片
更多
2015-12-29
463 浏览
平日去開灣仔做野，中午灣仔好多餐廳都已經食過，今日一於周圍行下發掘新野。誤打誤撞之下，見到Cima，但試無妨！ 真魚bar 枱，非常吸睛，配上大屏幕電視，特色bar枱，lunch能夠坐係呢度已經值回票價！相信香港冇幾多間可以有咁既配置！ 叫左個日式既set lunch $220 墨魚汁麵包，雖然只係餐前包，但係墨魚汁麵包少有，味道獨特，麵包新鮮熱辣辣又配上牛油，唔錯。 黑魚子溫室番茄沙律，食材新鮮，番茄比一般所食更多元化，因為佢既番茄都有唔同種類，黑魚子味道似紅酒醋，食材既講究令到沙律感覺升格不少。 麵豉湯，湯好新鮮同埋清，用料十足，蝦，帶子，魚，一般出面都冇擺心機落麵豉湯度，呢度既大大不同，值得試下！ 刺身飯，有多種刺身，海膽，吞拿魚，蝦等等，比一般刺身飯份量大，而且用料新鮮，刺身全部大大片，份量十足又好食既刺身飯！ 朱古力慕絲蛋糕，精美既上碟令到觀感味覺同時提升！ 見到咁靚既bar枱，都忍唔住要配合番個環境，叫左杯Cima 馬天尼。Cima 馬天尼味道清新，甘香得嚟又有田園既味道。係半日辛勞既工作過後飲番杯Cima 馬天尼，比人一種和
平日去開灣仔做野，中午灣仔好多餐廳都已經食過，今日一於周圍行下發掘新野。誤打誤撞之下，見到Cima，但試無妨！
真魚bar 枱，非常吸睛，配上大屏幕電視，特色bar枱，lunch能夠坐係呢度已經值回票價！相信香港冇幾多間可以有咁既配置！
叫左個日式既set lunch $220
墨魚汁麵包，雖然只係餐前包，但係墨魚汁麵包少有，味道獨特，麵包新鮮熱辣辣又配上牛油，唔錯。
黑魚子溫室番茄沙律，食材新鮮，番茄比一般所食更多元化，因為佢既番茄都有唔同種類，黑魚子味道似紅酒醋，食材既講究令到沙律感覺升格不少。
麵豉湯，湯好新鮮同埋清，用料十足，蝦，帶子，魚，一般出面都冇擺心機落麵豉湯度，呢度既大大不同，值得試下！
刺身飯，有多種刺身，海膽，吞拿魚，蝦等等，比一般刺身飯份量大，而且用料新鮮，刺身全部大大片，份量十足又好食既刺身飯！
朱古力慕絲蛋糕，精美既上碟令到觀感味覺同時提升！
見到咁靚既bar枱，都忍唔住要配合番個環境，叫左杯Cima 馬天尼。Cima 馬天尼味道清新，甘香得嚟又有田園既味道。係半日辛勞既工作過後飲番杯Cima 馬天尼，比人一種和諧既感覺，壓力得以紓緩，一定要試！
係灣仔活動既上班族真係可以留意下Cima！
张贴
