咖啡煮意 (已結業)

平時呢間野人都幾多，一到中午時份就一定要排隊。見好似咁受歡迎咁，就打算同朋友去試下啦。首先，佢都算有好多種野食可以選。但好可惜，我當日本來打算點安格斯牛肉漢堡，但佢居然話無，話唔得閒整。咁好啦，轉食意粉，就點左佢魚柳既意粉。佢上菜既速度係真心快既，大概係要番枱既速度快啲。但一上枱，即刻失望左，因為佢炸到勁黑，唔知佢係唔係為左快，太大火又唔得閒睇火，勁黑。總之就即刻降低曬期望值。一放入口，又失望。首先，佢個魚柳食落係完全，totally，無調味既，真心一啲味都無。另外，更加死罪既係，佢仲好鞋，勁鞋勁乾，你會期望佢既魚柳係外脆內軟，軟軟滑滑。但sorry，呢度食到既完全唔係個一回事。魚柳失望完，試下個意粉。都係伏，又係淡到傻咗，已經進步左，算叫有啲味，但都係勁淡。總之總括來講，或者佢其他嘢好食，但係大家可以唔使叫魚柳意粉啦～而且佢仲係咁催我走，雖然講得好有禮貌咁啦，但我嘢飲都未飲完佢就叫我走，我覺得我俾錢食好似有啲唔抵。